Տղամարդու` ֆիլերներից փքված շուրթերը պայթել են (ֆոտո)

Մեծ Բրիտանիայից 20-ամյա Հենրին մեկ ու կես ամիսը մեկ շուրթերի մեծացման կոսմետիկական պրոցեդուրաների էր գնում. ֆիլերներից փքված շուրթերը նրան տպավորիչ եւ գրավիչ էին թվում: Մի անգամ, սակայն, նրա շուրթերը «պայթեցին» եւ դրանցից թարախ եւ արյուն հոսեց:

«Ես ինձ համար նոր հեռախոս էի ընտրում եւ հանկարծ զգացի, թե իմ շուրթերն ինչպես են փքվում, հետո դրանցից սկսեց արյուն եւ թարախ հոսել. դրանք կաթում էին իմ ձեռքի հեռախոսին: Վաճառողը զարմանքից քարացել էր», - պատմել է Հենրին Body Fixers հեռուստահաղորդմանն իր ելույթի ընթացքում, որտեղ նա հրավիրված հյուրերից մեկն էր:

Հենրիի խոսքով, շուրթերի մեծացման պրոցեդուրաներն իր համար յուրահատուկ կախվածություն են դարձել. նրան դուր էր գալիս, թե ինչ տեսք էին ունենում իր շուրթերն այդ պրոցեդուրաներից հետո եւ նրան դուր էր գալիս շրջապատից հաճոյախոսություններ լսել:

«Ֆիլերներն իմ կյանքի իմաստն էին, բոլորն ինձ ճանաչում էին որպես «Փքված շուրթերով Հենրի»: Ես 6 շաբաթը մեկ պրոցեդուրաների էի գնում… Բայց մի անգամ ամեն ինչ սխալ գնաց: Գմփ. իմ շուրթերը պայթեցին, դրանցից կանաչ թարախ հոսեց, սարսափելի էր», - այժմ վերհիշում է Հենրին:

Դեպքից հետո Հենրիի վերին շուրթի վրա հսկայական վերք էր մնացել, որից ժամանակ առ ժամանակ թարախային արտադրություն էր հոսում:

Պլաստիկ վիրաբույժ բժիշկ Էշոն համաձայնել է օգնել Հենրիին: Նախ նա հեռացրել է նրա շուրթերի ֆիլերները վարակը կանգնեցնելու եւ շուրթը բուժելու համար: Բժշկի խոսքով, իրավիճակը շատ լուրջ էր եւ Հենրին կարող էր ուղղակի կորցնել վերին շուրթը:

Այժմ Հենրին իրեն արդեն լավ է զգում եւ վերականգնվում է շուրթի վիրահատությունից հետո: Բժիշկ Էշոյի խոսքով, Հենրին բոլորովին էլ միակ հիվանդը չէ, որը նման խնդրի է բախվել. վերջերս գնալով ավելի ու ավելի շատ են նման դեպքեր գրանցվում: Բժիշկը հույս ունի, որ Հենրիի պատմության մասին իմանալով` մարդիկ ավելի զգույշ կլինեն եւ գոնե կիմանան, թե ինչ բարդացումներ կարող են լինել, եթե պրոցեդուրաները պատշաճ չեն կատարվում: