Հատուկ դատախազ Մյուլլերի զեկույցի մոտիվներով պիես կներկայացնեն եւ կոմիքս կստեղծեն
ՄԻՋԱԶԳԱՅԻՆ2016 թվականի ամերիկյան ընտրություններին ՌԴ-ին վերագրվող միջամտության մասին հետաքննության արդյունքների վերաբերյալ հատուկ դատախազ Ռոբերտ Մյուլլերի զեկույցն ընկել է պիեսի հիմքում, որը հայտնի դերասանների մասնակցությամբ երկուշաբթի երկոյան կներկայացվի Նյու Յորքում, հաղորդում է ՏԱՍՍ-ը՝ վկայակոչելով Reuters-ին:
Նրա հաղորդմամբ՝ 20 դերասաններ, այդ թվում Մարկ Հեմիլը, Ալիսա Միլանոն եւ Անետ Բեննինգը, կմասնակցեն Ռոբերտ Շենկանի «Հետաքննություն. Ճշմարտության որոնում 10 գործողություններում» (The Investigation: Search for the Truth in Ten Acts) պիեսի ընթերցմանը, որը հարմարեցվել է Մյուլլերի 448 էջանոց զեկույցին:
Նշվում է, որ բեմադրության կազմակերպիչը, որը միայն մեկ անգամ կներկայացվի հանդիսատեսի դատին, դարձել է Law Works ընկերությունը, որն իր նպատակն է համարում ամերկացիներին լուսավորել ԱՄՆ իրավաբանական համակարգի օբյեկտիվության հարցում: Պիեսը նախատեսված է տեղական ժամանակով 21:00-ին:
Ներկայումս, նշում է Reuters-ը, նաեւ աշխատանք է տարվում Մյլուլերի զեկույցի մոտիվներով կոմիքսի ստեղծման ուղղությամբ: Սպասվում է, որ «Մյուլլերի զեկույց. Գրաֆիկական վեպ» (The Mueller Report: Graphic Novel) կոմիքսը կհրապարակվի 2020-ի ապրիլին:
ԱՄՆ արդարադատության նախարարությունը ապրիլի 18-ին հրապարակել էր հատուկ դատախազ Ռոբերտ Մյուլլերի զեկույցը: Ըստ զեկույցի՝ Ռուսաստանը փորձել է ազդել 2016-ի ԱՄՆ-ի ընտրությունների նախընտրականա արշավի ընթացքի վրա: Ընդ որում Մյուլերը խոստովանել է, որ հետաքննությունը չի հայտնաբերել ընտրություններում հաղթած Դոնալդ Թրամփի եւ ՌԴ հետ պայմանավորվածություն: Թրամփը բազմիցս անցկացվող հետաքննությունն անվանել է «վհուկների որս» եւ հերքել Մոսկվայի հետ պայմանավորվածության մաիսն բոլոր մեղադրանքները եւ ընտրությունների արդյունքների վրա նրա ազդեցությունը: Մոսկվան նույնպես բազմիցս հերքել է ԱՄՆ-ում ընտրությունների ընթացքի վրա ազդելու փորձերի մասին պնդումները:
