Հայհոյանք օգտագործողների մեծամասնությունը բարձր ինտելեկտ ունի

Հոգեբանները հերքել են այն վարկածը, թե մարդիկ հայհոյանքներ են օգտագործում բառապաշարի աղքատության պատճառով։

Սեփական խոսքը զազրախոսությամբ «զարդարելու» սովորությունը բոլորովին չի վկայում բառապաշարի աղքատության, ծուլության և տգիտության մասին, ինչպես ընդունված է կարծել։ Հակառակը, այդ որակը խոսում է բանավոր զարգացած խոսքի և բարձր ինտելեկտի մասին։ Այդպիսի եզրակացության են եկել ամերիկացի հոգեբանները, որոնց աշխատանքը հրապարակվել է Language Sciences ամսագրում, գրում է health.mail.ru–ն։

Հետազոտության հեղինակները որոշել են ստուգել այդ վարկածի հավաստիությունը, որի համաձայն, մարդիկ հայհոյանքներ են կիրառում մտավոր ցածր կարողությունների հետևանքով։

Գիտափորձի ընթացքում ուսանողներին խնդրել են հնարավորինս մեծ թվով հայհոյական խոսքեր և արտահայտություններ օգտագործել մեկ րոպեի ընթացքում։ Այնուհետև մասնակիցներին պետք էր նույն ժամանակահատվածում հիշել այլ կատեգորիաների` հնարավորինս մեծ թվով բառեր, օրինակ, կենդանիների անուններ։

Պարզվել է, որ զազրախոսություններ օգտագործող մարդիկ առաջատար են նաև մյուս կատեգորիաներում։ Գիտնականները եզրակացրել են, որ դա հերքում է հայհոյողների բառապաշարի աղքատության վարկածը։ Աշխատության հեղինակները նշել են նաև, որ տգեղ խոսքեր օգտագործողների թվում սեռական տարբերություններ չեն հայտնաբերվել։

Բացի այդ, անձնական գծերի «մեծ հնգյակի» սանդղակով մասնակիցների թեստավորումը ցույց է տվել, որ հայհոյանքներ սիրողներին ավելի բնորոշ են բարձր ինտելեկտն ու զգայական կայունությունը, և պակաս բնորոշ` զիջողականությունն ու բարեխղճությունը։