Հայաստանում դատարաններն ավելի հաճախ են որպես խափանման միջոց կիրառում գրավը. գլխավոր դատախազ

Հայաստանի իրավապահ մարմինները դասեր են քաղել երկրի դեմ Մարդու իրավունքների եվրոպական դատարանի որոշումներից։ Այս մասին մայիսի 2-ին ԱԺ-ում Պետաիրավական հարցերով խորհրդարանական մշտական հանձնաժողովի նիստում «Հայաստանի հանրապետության դատախազության 2018 թվականի գործունեության մասին» հաշվետվության քննարկման ժամանակ ասաց գլխավոր դատախազ Արթուր Դավթյանը:

Նա նշել է, որ բացի ՄԻԵԴ որոշումներից, դիտարկվել է նաեւ Եվրոպական դատարանի նախադեպային իրավունքը եւ տրվել են գործնական հանձնարարականներ։ «Այդ հանձնարարականները սեղանի գիրք են դարձել քրեական հետախուզման մարմինների համար։ Իմ գնահատականներով՝ դրանք շատ կարճ ժամանակում տվել են իրենց պտուղները»,- հավաստիացրել է Դավթյանը։

Իսկ այդ ամենի արդյունքը, գլխավոր դատախազի կարծիքով, այն է, որ կալանված անձանց հիմա ավելի հազվադեպ են ձերբակալում։ «2018 թվականին մեղադրյալների թիվը, որոնք անցնում էին տարբեր քրեական գործերով, 10 տոկոսով ավելին էր, քան 2017-ին, եւ դա՝ այն դեպքում, երբ 2018-ին դատարաններում ձերբակալությունների միջնորդություններ ներկայացվել են 20 տոկոսով ավելի քիչ։ Այսինքն՝ մեղադրյալների թիվն ավելացել է, իսկ ձերբակալությունների միջնորդություններինը՝ քչացել։ Սա վկայում է այն մասին, որ իսկապես կալանման՝ որպես խափանման հիմնական միջոցի հարցը լուրջ քննարկումներ է անցել»,- ընդգծել է Արթուր Դավթյանը։

Մասնավորապես, ըստ գլխավոր դատախազի՝ փոքր եւ միջին ծանրության հանցագործությունների կատարման դեպքում մեղադրվող անձանց արդեն չեն ձերբակալում, այլ կալանում են, իսկ ձերբակալությունը կիրառվում է միայն այն ժամանակ, երբ մեղադրվողը խոչընդոտում է քննության ընթացքին։

Բացի այդ, էապես ավելացել է գրավի՝ որպես խափանման միջոցներից մեկի կիրառման դեպքերի թիվը։