«Նոյ» գործարանի առանձնահատկությունը կայանում է նրանում, որ ցանկացած իրավիճակում ի շահ խաղողագործի են գործել...

Գևորգ Հակոբյանը ֆեյսբուքյան իր էջում գրում է.

Խաղողի մթերման հարցը հայ գյուղացու համար միշտ էլ մտածելու առիթ է եղել, մինչև այն պահը, երբ հայտնվեց հավատարիմ գործընկեր, ի դեմս Նոյ կոնյակի-գինու-օղու կոմբինատի, ով իր վրա վերցրեց այս խնդրահարույց պրոցեսի բոլոր բարդությունները, շատ հաճախ ընդառաջելով խաղողագործներին, նրանցից գնելով նույնիսկ պայմանագրով սահմանված քանակից ավել մթերք, ու ինչն էլ ավելի կարևոր է խաղողը մթերման տարած գյուղացում համար՝ բարձր գնով։ Օրինակ անցած տարի՝ 2018 թվականին, Նոյ կոնյակի-գինու-օղու կոմբինատը խաղողը մթերեց բավականին բարձր գնով, 1 կիլոգրամ խաղողի դիմաց 150 դրամ վճարելով, իսկ այդ նույն ժամանակ մթերման մյուս կայաններում խաղողը մթերվում էր 120-130 դրամով։
Այս թեման քննարկելու կարիք չէր առաջանա, եթե այս տարի Արարատ կոնյակի գործարանը զավեշտալի ու ըստ էության անտեղի գովազդով հանդես չգար, ներկայացնելով իրենց մթերման կայանի «աննախադեպ բարձր» գինը՝ 150 դրամ 1 կիլոգրամի դիմաց։ Գործարանը նաև սահմանել է մթերման առավելագույն չափը՝ 29000 տոննա, այն դեպքում, երբ «Նոյ»-ը սահմանափակում քանակության վրա երբեք չի դրել, նույնիսկ եթե տվյալ տարվա ընթացքում նման ծավալի խաղողի կարիքը չկա։
Իմանալով այս ամենը կարելի է եզրակացնել, որ Արարատ կոնյակի գործարանը մթերման խնդիր ունի, ու այսպիսով փորձում է այն լուծել, անտեղի գովազդի միջոցով։
ՀԳ․ Սա նույնն է, թե հայտնվի մեկը ու «գլուխ գովի», թե հեծանիվ է հայտնագործել։