Պալաչի նմանները վիրուս են մեր հասարակության համար

Սևակ Բրուտյանը ֆեյսբուքյան իր էջում գրում է.

Արդեն բոլորին հայտնի դարձած աբովյանցի Արթուր Հարությունյանը, ով հայտնի է «Պալաչ» մականվամբ, դաձել է հեղինակավոր խաբեբա: Նշեմ , որ նա եղել է « Քինգ Դելյուքս» և «Տրանս կոմֆորտ» ուղևորափոխադրական ընկերությունների սեփականատերը: Սակայն տարիների ընթացքում մսխելով ընկերության գործունեության արդյունքում գոյացող բոլոր գումարները, վերցնելով վարկեր տարբեր բանկերից և չմարելով պահանջվող տոկոսներն ու մայր գումարը, հասել է սնանկացման: Իսկ այդ բոլոր հասանելիք գումարները նա ծախսել է իր անձնական միջոցների և հաճույքների համար: Բնականաբար սրա նմանի կատարած ստորությունը անպատասխան մնալ չէր կարող և ահա մի քանի ամիս հետո Պալաչն ճանաչվում է սնանկ: Եվ այսպես հասունանում է մեծ սկանդալ:
Օրերս կրկին համացանցի «հիթն» է դարձել նրա անխելք արարքների մասին քննարկումները: Քանի որ բանկը խլել է նրա ձեռքից տունը, գրավի տակ դրած ընկերների գույքը, բենզալցակայանը, Պալաչը անելանելի վիճակից դուրս գալու համար կախվում է փրփուրներից: Իր կատարած ստոր քայլերի, իր սխալների, կորզած գումարների համար մեղադրում է Գագիկ Ծառուկյանին: Մեղադրել այն մարդուն, ով այդքանից հետո տեսնելով, որ Պալաչը անտուն է թողել իր ծնողներին ՝ իր անձնական միջոցներով օգնում է Պալաչին ու նրա ծնողներին, բանկից գնում է այդ տունը, նաև բենզալցակայանը, լվացման կետը և հետ վերադարձնում նրանց: Պալաչը իր մեղադրական հայտարարություններում նշում է, որ իր ընկերությունների սննկացման պատճառը «Գագիկ Ծառուկյան » բարեգործական հիմնադրամի անվճար հիմունքով գործող երթուղիներն են: Բայց այստեղ առաջանում է հարց. Եթե բարեգործական երթուղիները իրոք հանդիսանում են սննկացման պատճառ, այդ դեպքում ինչու «Մուլտի տրանս» ընկերությունը չի սննկացել:
Ըստ իս Պալաչը այս ամենով զուտ ցանկանում է իր կատարած մեղքերը հանել իր վրայից, սակայն փաստը մեկն է, որ պատասխանատվությունից այս դեպքում խուսափել չի կարող անգամ Պալաչի նման լպրծունը, քանզի քննչական կոմիտեն ամենայն ուշադրությամբ զննում է գործի հանգամանքներն ու վստահ ենք, որ արդյունքը երկար սպասեցնել չի տա: