Լրագրողական ապատեղեկատվությունը տեղ չունի Նոր Հայաստանում

Սելինա Սահակյանը ֆեյսբուքյան իր էջում գրում է.

Ընթանում է արտահերթ խորհրդարանական ընտրությունների քարոզարշավն ու բոլորի համար հասկանալի սցենարներով ակտիվացել են ապատեղեկատվություն տարածող լրատվականները: Ինչ որ լրատվական ծառայություններ սկսել են քաղաքական պատվերներ կատարել ու իրենց կեղծ կարծիքն են ուզում տարածել մարդկանց շրջանակում: Եվ դրանցից վառ ապացույց տեղի ունեցավ երեկ, երբ լրատվականներից մեկը նման դրսևորումներ ցուցաբերեց կուսակցություններից մեկի նախագահ Գագիկ Ծառուկյանի նկատմամբ: 
Հասկանում ենք, որ քաղաքական պայքար է ընթանում, բայց հարգելի լրագրողներ դուք ինքներդ Ձեզ չեք հարգում, երբ կատարում եք նմանատիպ պատվերներ: Մասնավորապես երեկ lragir.am կոչվող կայքը մի հոդված էր հրապարակել, որտեղ իբր վերլուծություն էր կատարվել Գագիկ Ծառուկյանի վերաբերյալ: Հոդվածը արդեն իսկ կարդալուց երևում է, թե որքան ժամանակ է ծախսվել այն գրելու համար: Երևի մի 5 րոպե: Ցավում եմ, որ նմանատիպ կեղծ հոդվածներ են գրվում, ինչ-որ դիվիդենտներ հավաքելու համար:
Նախ հարգելիներս որևէ բան գրելուց առաջ լավ կլիներ ուսումնասիրեիք օրենքները հետո նոր գրեիք: Օրենքը երբեք էլ չի սահմանափակում այն մարդկանց գործունեությունը քաղաքական դաշտում, ովքեր խոշոր սեփականատեր են, առավել ևս այն պարագայում, երբ այդ սեփականությունը հավատարմագրային կարգով հանձնվում է համապատասխան կազմակերպություններին, որպեսզի նրանք զբաղվեն այդ գործունեությամբ: Եվ բացի այդ Գագիկ Ծառուկյանը անձամբ դրանցով չի զբաղվում, որը նույնպես օրենքի պահանջն է:
Հասկանալի է, որ Ձեզ անհանգստացնում է այն փաստը, որ օրեցօր ավելանում է Գագիկ Ծառուկյանի հեղինակությունը հասարակության շրջանում և փորձում եք դրա դեմը այսպիսի անհեթեթ ճանապարհով առնել, բայց կարող եմ ասել, որ ժողովուրդը ինչպես նախկինում, այնպես էլ այժմ շարունակում է վստահել ու աջակցել Գագիկ Ծառուկյանին, քանի որ նրա ամբողջ գործունեությունը միտված է, որ թե՛ ժողովուրդը, թե՛ պետությունը բարգավաճվեն ու զարգանան: Այդ վստահության ու աջակցության ապացույցն էլ հանդիսանում է այն, թե որքան բազմամարդ է ընթանում ԲՀԿ-ի քարոզարշավները: 
Նոր Հայաստանի պարագայում Գագիկ Ծառուկյանի առկայությունը խորհրդարանում ոչ միայն կարևոր է, այլ կենսական նշանակություն ունի: Միայն նրա անձնական կապերը բավարար են, որպեսզի մեծ ներդրումներ կատարվեն՝ Հայաստանի տնտեսության զարգացման համար: Գագիկ Ծառուկյանի միայն վերջին շրջանում, հեղափոխությունից հետո ապահովել է մեր տնտեսության զարգացման գերակա մասը, ինչը հնարավոր չէր նախկին իշխանությունների պարագայում: Իսկ այն լրատվականներին, որոնք կատարում են ինչ-որ քաղաքական ուժերի պատվերներ կարող եմ խորհուրդ տալ հեռու մնալ Գագիկ Ծառուկյանի կամ ընդհանրապես այն մարդկանցից, ովքեր միայն նպաստում են մեր պետության զարգացմանը, քանի որ դրանով դուք ոչ միայն վնաս եք հասցնում պետական շահին, այլև ինքներդ Ձեզ, քանի որ ոչ զարգացած պետությունում ապրելու եք նաև դուք: Թողեք թող մարդիկ հանգիստ գործեն և կառուցեն մեր այն ապագան, որին արժանի ենք բոլորս: