Հակահասարակական տրամադրությունների հրահրումը կրկին ձախոխվեց

Սևակ Հակոբյանը ֆեյսբուքյան իր էջում գրում է.

Նախընտրական քարոզարշավի շրջանակներում, անկասկած դեռ բազմաթիվ անգամներ ենք ականատես լինելու հանրապետության տարբեր ծայրերից, բնակչության կողմից հնչող քննադատությունների, պահանջների և դիմում-խնդրանքների և այլն, սակայն դրանք ընդունելի են և ըմբռնելի այն ժամանակ, երբ ունեն հիմքեր և տրամաբանված են: Հիմնականում այդպես էլ լինում է, հաշվի առած վերջին 20 տարիների Հայստանի սոցիալ-տնտեսական իրավիճակը, սակայն երեկ, «Լուսավոր Հայաստան» կուսակցության նախընտրական քարոզչության ժամանակ, Արարատի մարզի բնակիչներից մեկը, մի շարք անհսկանալի ու ոչ տրամաբանական հայտարարությունների հետ մեկտեղ, ասաց նաև, որ Գագիկ Ծառուկյանը, այստեղից ամսական 2 միլիոն դոլար է տանում ու շարունակեց, որ այդ գումարով նրանք իրենց տարածաշրջանը կզարգացնեն: Նախ ի գիտություն պարոնի, պետք է նշենք, որ գումար ունենալու համար նախ աշխատանք է հարկավոր դրա դիմաց, դա ուղղակի ինչ-որ մի տեղ դրված չի, որ գնան ու վերցնեն, երկրորդ, հնչեցրած գումարի չափը հարաբերական է, անգամ կասկածելի, քանի որ մրցակցային դաշտը գնալով ավելի խիստ է դառնում, հաշվի առած ներկրվող էժան ցեմենտը: Այս համատեքստում պետք է նշենք նաև որ նույն Ծառուկյանի ջանքերով, այդ գործարանում հիմա աշխատում են մոտ 1200 մարդ, սակայն գործարանի բնականոն աշխատանքը կարող է կազմակերպվել նաև 500-ից քիչ աշխատուժով, սակայն Ծառուկյանը հավատարիմ մնալով իր սկզբունքներին, չի հեռացրել ոչ ոքի և թեկուզ իր շահույթի հաշվին, բայց շարունակում է պահել այդ մարդկանց աշխատատեղերը: Երկրորդ կողմը այս հարցի այն է, որ Արարատի ցեմենտի գործարանը շատ հանգիստ կարող է հարևան պետությունից հումք ներկրել, կլինկեր և ավելի էժան ցեմենտ ստանալ, սակայն այդ դեպքում նախ տեղական արտադրանքն է տուժելու, երկրորդ մոտ 1000 աշխատատեղ կրճատվելու է: Դե հիմա տրամաբանեք, որ ճանապարհն է ավելի արդար ու ազնիվ և պարոնի արտահայտած մտքերը, որքանո՞վ են արդարացված:
Չնայած հետագայում պարզվեց, որ այդ մարդը ինչ-որ խնդիրներ ունի ու ոչ ադեկվատ է, բայց այնուամենայնիվ լրատվականներից մեկը, այդ խոսքերը վերնագիր էր ընտրել ու տարածում էր այդ նյութը: Սա դասական կեղտոտ հակաքարոզչության և դիվիդենտներ շահելու մեթոդ է, երբ փորձ է արվում շահարկումների ու անտեղի վարկաբեկելու միջոցով, ձայներ փախցնել: Չի ստացվի պարոնայք, արարատցին շատ լավ գիտի Ծառուկյանի անցած ուղին ու սկզբունքները և ինչ-որ էժանագին խաղերով, չեք կարող խեղաթյուրել այսքան տարիների՝ արժանի կերպով ձեռք բերված հարգանքը, պատիվն ու վստահությունը: