Հնագետ, զորավար և Հայրենիքի անձնվեր զավակ. Մոնթե Մելքոնյանը նոյեմբերի 25-ին կդառնար 61 տարեկան
ՀԱՍԱՐԱԿՈՒԹՅՈՒՆՀայաստանի Հանրապետության ազգային հերոս, Արցախի հերոս, «Ոսկե արծիվ» շքանշանի ասպետ Մոնթե Մելքոնյանը (Ավո) նոյեմբերի 25-ին կդառնար 61 տարեկան։
Որպես գիտնականի՝ նրան արժևորել է, մասնավորապես, պատմական գիտությունների դոկտոր, պրոֆեսոր, Հայաստանի ԳԱԱ թղթակից անդամ, գիտության վաստակավոր գործիչ Նիկոլայ Հովհաննիսյանը՝ ներկայացնելով, թե ինչպես է Երևանում հրատարակվել Մոնթե Մելքոնյանի դիպլոմային գիտական աշխատությունը, որը նա պաշտպանել է ԱՄՆ-ի Բերկլիի հեղինակավոր համալսարանում` որպես «Ասիայի հնագիտությունը և պատմությունը» մասնագիտությամբ մագիստրոսական թեզ: Մինչ այդ Մոնթեն Բերկլիի համալսարանում բակալավրի 4-ամյա դասընթացն ավարտել էր 2,5 տարում: «Հարկ է նշել, որ Մոնթե Մելքոնյանն իր էությամբստեղծված էր գիտությամբ զբաղվելու համար: Գալով Հայաստան` նա մեծ հետաքրքրություն էրցուցաբերել Հայաստանի գիտական կենտրոնների, հատկապես` Հայաստանի գիտություններիակադեմիայի Արևելագիտության ինստիտուտի նկատմամբ: Նա մեկ ամիս շարունակ այցելում էրինստիտուտ, շփվում աշխատողների հետ, մասնակցում գիտական բանավեճերին: Նա շատ էրուրախացել, երբ իմացել էր, որ ինստիտուտում գործում է Արաբական երկրների բաժին: Այնժամանակ ես ոչ միայն այդ ինստիտուտի փոխտնօրենն էի, այլև նշված բաժնի վարիչը: Եվ մենքհաճախ էինք զրուցում այն կարևոր դերի մասին, որն արաբները ունեցել էին Օսմանյանկայսրությունում Մեծ Եղեռնի ընթացքում բռնի տեղահանման ենթարկված հայերին փրկելուգործում: Նա շեշտում էր, որ եթե չլինեին արաբները և նրանց օգնությունը, ապա չէր լինիժամանակակից Հայոց սփյուռքը: Նա նույնիսկ ցանկանում էր հեռանկարային պլան կազմել` արաբական հետազոտությունների զարգացման համար: Սակայն չհասցրեց: Սկսվեց Ղարաբաղիպատերազմը, և նա գրիչը փոխարինեց սրով»,- նշել է Նիկոլայ Հովհաննիսյանը։
«Ժառանգություն» կուսակցության նախագահ Րաֆֆի Հովհաննիսյանը Մոնթե Մելքոնյանի մահվան 20-ամյակին նշել էր, որ նրանք առաջին անդամ հանդիպել են Կալիֆորնիայի պետական համալսարանի հայ ուսանողների միության առաջին հավաքի ժամանակ և հիշել իրենց վերջին հանդիպումը. «Նա մարտական էր տրամադրված եւ, ինչպես միշտ, հավատում էր հայ ժողովրդիհաղթանակին: Մոնթեն հայ զինվոր էր, հայ մարդ եւ Հայաստանի հերոս: Շարքային զինվորն ուհերոսը միաձուլվել էին մեկ մարդու մեջ»,- ասել էր նա՝ ընդգծելով, որ Մոնթեն առաջնորդվում էր «առանց Հայաստանի Հանրապետություն Արցախ չկա», եւ «առանց Արցախ չկա Հայաստանի Հանրապետություն» գաղափարախոսությամբ: «Հենց այդ գաղափարախոսությանն ու իրհայրենիքին էլ նա տվեց իր կյանքը»,- նշել էր Հովհաննիսյանը:
Մոնթե Մելքոնյանը ծնվել է 1957 թվականի նոյեմբերի 25-ին ԱՄՆ-ում, եղեռնի ճիրաններից փրկված և Կալիֆորնիայի Վայսելիա քաղաքում հանգրվանած հայի ընտանիքում։ Իր ողջ գիտակից կյանքում նա պայքարել է հայերի իրավունքների, Հայոց ցեղասպանության ճանաչման և մեր հայրենիքի վերատիրման համար։ Հնագիտության պրոֆեսոր էր և տիրապետւմ էր 8 լեզվի։
1991 թվականի սկզբին հիմնել է Հայրենասիրական ջոկատը։ 1992 թվականից Արցախի Մարտունու պաշտպանական շրջանի հրամանատար էր։ Զոհվել է 1993 թվականին հունիսի 12-ին Աղդամի շրջանի Մարզիլի գյուղում։
Մոնթե Մելքոնյանի հիշատակին նվիրվել են բազմաթիվ երգեր, նրա կերպարն արտացոլվել է գեղարվեստական գրքերում և գիտական աշխատություններում, նրա անունով է կոչվում ՀՀ զինված ուժերի ռազմական ուսումնարաններից մեկը, փողոցներ Հայաստանում և Արցախում։
