Հայաստանում տնտեսական հեղափոխությունը ժամանակի հրամայականն է
ՀԱՍԱՐԱԿՈՒԹՅՈՒՆ
Սերոբ Ամոյանը ֆեյսբուքյան իր էջում գրում է.
Հայաստանում տնտեսական բումը այլևս սարերի հետևում չէ, միգուցե կարդալով սա, շատերդ կմտածեք այդ ինչպես, ասեմ՝ Հայաստան են գալիս մեր նորանկախ պատմության ընթացքում նախադեպը չունեցող քանակությամբ ներդրումներ:
Հայաստանում սկիզբ է դրվում տնտեսական հեափոխության, սրա մասին դեռ օրեր առաջ խոսել էր Գագիկ Ծառուկյանը, նշելով որ Հայաստանի hամար այսօր տնտեսական հեղափոխությունը ժամանակի հրամայականն է, երկրում զարգացում ապահովելու երաշխիքը: Հիմա արդեն Գագիկ Ծառուկյանը հաստատուն և հստակ քայլերով հող է նախապատրաստում տնտեսական հեղափոխության համար, Ծառուկյանի հրավերով Հայաստանում գտնվող շեյխ Ահմադ Ալ Սաբահը պատրաստ է խոշորամասշտաբ ներդրումներ կատարել Հայաստանի տնտեսության տարբեր ճյուղերում՝ հիմնվելով Գագիկ Ծառուկյանի հետ երկարամյա ընկերության, անձանական և գործնական ամուր կապերի վրա:
Ծառուկյանի շնորհիվ Հայասատանում մեկը մյուսի հետևից գործարաններ են բացվում` զարկ տալով տնտեսության այս կամ այն ճյուղին, ստեղծելով աշխատատեղեր: Ոչ ոքի համար գաղտնիք չէ, որ Հայաստանի համար այսօր շատ կարևոր է սեփական արտադրանք ունենալը, արտահանումը, դա է տնտեսության աշխուժացման լավագույն միջոցը: Այս ամենը հաշվի առնելով Ծառուկյանը քայլ առ քայլ, ներդրումներ բերելով, գործարաններ կառուցելով հասնում է դրան, դրա լավագույն օրինակներից մեկը Ծառուկյանի կողմից արդյունաբերական քաղաքի կառուցումն է: Այսպիսով վստահ ենք, որ Հայաստանում ևս տնտեսական զարգացում ու առաջընթաց կլինի, չէ որ այդ գործին ամբողջությամբ ներգրավվել է Գագիկ Ծառուկյանը, մարդ ում խոսքը միշտ է գործով ապացուցվել:
