Մակրոնը կառավարության կազմում վերադասավորումներ չի կատարի մինչեւ Հայաստանից վերադառնալը. «Ֆրանսպրես»
ՄԻՋԱԶԳԱՅԻՆՖրանսիայի նախագահ Էմանուել Մակրոնը երկրի կառավարության կազմում վերադասավորումների վերաբերյալ որոշում չի ընդունի մինչեւ հոկտեմբերի 12-ի երեկոյան Հայաստանից իր վերադառնալը: Այդ մասին, ինչպես տեղեկացնում Է «Արմենպրես»-ը, հոկտեմբերի 10-ին հայտնել Է «Ֆրանսպրես» գործակալությունը՝ հղում անելով Ելիսեյան պալատին:
«Հանրապետության նախագահը ցանկանում Է հանգիստ եւ պրոֆեսիոնալ պայմաններում անհրաժեշտ ժամանակ հատկացնել նոր համախումբ թիմի ստեղծմանը, որը ծառայելու Է ֆրանսիացիների շահերին»,-հայտարարել են պետության ղեկավարի վարչակազմում: Ելիսեյան պալատում հավելել են, որ Նախարարների խորհրդի՝ հոկտեմբերի 10-ին պլանավորված նիստը կանցնի նախկին կազմով:
Նախագահի ժամանակացույցի համաձայն, Մակրոնը ֆրանկոֆոն երկրների գագաթնաժողովին մասնակցելու համար Հայաստան կուղեւորվի հոկտեմբերի 10-ի երեկոյան: Ֆրանսիայի ղեկավարի վերադարձը պլանավորված Է ուրբաթ օրը: Կառավարության հնարավոր վերակազմման հարցը առաջ Է եկել ներքին գործերի նախարար Ժերար Կոլոնի պաշտոնաթողությունից հետո:
Հոկտեմբերի 9-ին Ելիսեյան պալատում տեղի Է ունեցել Մակրոնի խորհրդակցությունը վարչապետ Էդուար Ֆիլիպի հետ, որտեղ ավելի քան մեկուկես ժամ քննարկվել են նախարարների կաբինետում վերադասավորումների հնարավոր տարբերակները: Նախագահը եւ վարչապետը որոշել են հիմնականում պահպանել կաբինետի ներկայիս կազմը՝ սահմանափակվելով առանձին փոփոխություններով: Այսպիսով, ինչպես նշում են քաղաքագետները, կառավարության ամբողջական վերակազմման ծրագիր ներկայում չի քննարկվում, հաղորդել Է ՏԱՍՍ-ը:
