Գ.Ծառուկյանը Հայաստանում ՏՏ ոլորտի զարգացման և առաջխաղացման կարևորագույն քայլը կատարեց
ՀԱՍԱՐԱԿՈՒԹՅՈՒՆ
Մարգո Կոստանդյանը ֆեյսբուքյան իր էջում գրում է.
Շաբաթներ առաջ «Մուլտի գրուպ» կոնցեռնի և կրիպտոարժույթի ոլորտում աշխարահրչակ ավստրիական «Omnia Tech» ընկերության համատեղ ջանքերով Հայաստանում աշխարհի ամենամեծ մայնինգ ֆերման ստեղծելու նախաձեռնությունը շատ մեծ հետաքրքրություն է առաջացրել ոլորտի ամենատարբեր հեղինակավոր ներկայացուցիչների մոտ:
Նրանցից մեկն էլ ԱՄՆ-ում գործնեություն ծավալող հարավ-կորեացի խոշոր գործարար, «Գենեսի Քո» ընկերության գործադիր տնօրեն՝ Դենիել Քոն է: Նա պատրաստվում է առաջիկայում ինովացիոն տեխնոլոգիաներով զբաղվող ավելի քան 2000 մասնագետների և ձեռներեցների հետ տեղափոխվել Հայաստան և կատարել խոշոր ներդրումներ, միանալով մեր երկրում ֆինանսական տեխնոլոգիաների քաղաք ստեղծելու խոշորամասշտաբ նախաձեռնությանը:
Իր մոտիվացիան Դենիելը բացատրեց Գագիկ Ծառուկյանի հանդեպ ունեցած իր մեծ հարգանքով, վստահությամբ, հավատարմությամբ և նրանց միջև առկա հիասքանչ հարաբերություններով: Բացի այդ գործարարը հավելեց, որ շատ շնորհակալ է Գագիկ Ծառուկյանից իր առատաձեռնության, իր գործընկերների հանդեպ ցուցաբերած ուշադրության և ամեն հարցում նրանց կողքին լինելու համար: «Վստահ եմ, որ պարոն Ծառուկյանի հետ իրականացրած յուրաքանչյուր ծրագիրը լինելու է լավագույնը», - Ասաց հարավ-կորեացի բիզնեսմենը:
Մոտ 2 ամիս հետո ավելի քան 2000 հոգուց բախկացած «Blockchain» ոլորտի արտասահմանյան առաջատար մասնագետների և գործարարների խումբը կտեղափոխվի Հայաստան: Նրանք Գագիկ Ծառուկյանի առաջարկով կբնակվեն Նորքի բարձրավանդակում կառուցված բազմաբնակարան համալիրում: Դենիել Քոի համոզմամբ այս տեղը դառնալու է ձեռներեցության և ինովացյոն տեխնոլոգյաների գլոբալ քաղաք, որտեղ ապրելու և աշխատելու են աշխարհի առաջատար մասնագետները: Քոն նաև ասաց, որ սիրում է Հայաստանը, չնայած ունի գրասենյակներ գրեթե բոլոր աշխարհամասերում և նույնիսկ Սիլիկոնյան հովիտում քանզի կարծում է, որ մենք ունենք ծրագրային ապահովման անհավանական մասնագետներ:
Արտասահմանյան հյուրերին Գագիկ Ծառուկյանը դիմավորեց «Առինջ մոլ» առևտրի կենտրոնի հարևանությամբ կառուցվող մայնինգ ֆերմայում, որտեղ տեղակայվելու են իրենց գրասենյակները: Նա նախ հետաքրքրվեց, թե երբ է ներկայացվելու ներդրումային նախագծի վերջնական տարբերակը, ապա վերահաստատեց, որ պատասխանատու է արտասահմանցի գորցընկեների յուրաքանչուր ներդրման համար:
Վստահաբար կարելի է ասել, որ Ծառուկյանի այս նախաձեռնության շնորհիվ բազմաթիվ աշխատատեղերի հետ մեկտեղ Հայաստանի առաջ կբացվեն նոր հորիզոններ, որոնք թույլ կտան ոչ միայն զուգահեռ քայլել համաշխարհային մակարդակով ՏՏ ոլորտի գիգանտների հետ, այլև մրցակցային պայմաններ թելադրել դրանցից յուրաքանչյուրին: Գործի առյուծի բաժինն արված է, մնացածը ժամանակի հարց է:
