Տիգրան Հովհաննիսյանը պետք է բուժզննում անցնի հոգեբուժարանում

Սարգիս Հովսեփյանն իր ֆեյսբուքյան էջում  գրում է.

Այսօր ոմն Տիգրան Հովհաննիսյան, որն իրեն անվանում է Հայաստանի ձեռներեցների միության նախագահ, ասուլիսի ժամանակ հերյուրանքներ ու ստեր է խոսել Գագիկ Ծառուկյանի մասին, տվել ինչ-որ անձանց անուններ (Լեդի Հակոբ, Կարամելի Հարութ և այլն), որոնց հետ Գագիկ Ծառուկյանը որևէ կապ չունի, փորձելով արատավորել վերջինիս վարկանիշն ու բարի համբավը։

Նշենք, որ ամիսներ առաջն նույն անձը կրկին հերյուրանքներ էր խոսել Ծառուկյանի հասցեին, հետո հերքել էր իր իսկ ասածները, իսկ այսօր նորից կրկնել է նույնատիպ ստեր։ 
Իհարկե ցանկացած մասնագետ կասի, որ այս դեպքում գործ ունենք մարդու հետ, ով ունի հոգեկան խնդիրներ, տառապում է շիզոֆրենիայով, և պետք է պարտադիր բուժզննում անցնի, քանի որ նորմալ մարդը չի կարող ստեր ասել, հետո հերքել ինքն իրեն, իսկ ամիսներ անց նույն ստերը կրկին կրկնել։

Սույն անձի մասին որոշակի կարծիք կազմելու համար բավական է հարցուփորձ անել Աբովյան քաղաքի վարորդների շրջանում, և նրանք Տիգրանի անցյալի որոշ մութ կետեր կբացահայտեն զրուցակցին։ Ամեն դեպքում կարող ենք փաստել, որ գործ ունենք սովորական ստախոսի հետ, ով իր պարտքն է համարում տարին մեկ անգամ անդրադառնալ Գագիկ Ծառուկյանին՝ վերջինիս մասին ծիծաղելի ստեր հայտարարելով։ Թերևս պատճառը այն է, որ Տիգրան Հովհանիսյանը ամեն կերպ ձգտում է արժանանալ Գագիկ Ծառուկյանի ուշադրությանը, բայց դրա համար ընտրել է ամենազազրելի ու էժան տարբերակը։

Ինչևէ, քանի որ Տիգրանը իր ելույթում խոսում էր ԱԱԾ-ից, կարծում ենք ճիշտ կլինի, որ հենց ԱԱԾ-ն զբաղվի նրա ստերով, ինչի արդյունքում վերջնականապես կբացահայտվի սույն անձի ստախոս լինելը, իսկ հնչեցրած զրպարտությունների համար նա պետք է ենթարկվի պատասխանատվության։