Պետք է պահպանվի, թե՛ օբյեկտիվ քննությունը և, թե՛ անմեղության կանխավարկածը.Էդուարդ Շարմազանով

ՀՀ Կառավարությունն այսօրվա նիստում Ազգային ժողովին առաջարկեց վաղը՝ հունիսի 19-ին ժամը 11.00-ին, արտահերթ նիստ գումարել՝ օրակարգում ներառելով ՀՀԿ խմբակցության պատգամավոր, գեներալ Մանվել Գրիգորյանին անձեռնմխելիությունից զրկելու ՀՀ գլխավոր դատախազի միջնորդության հարցը:

Նշենք, որ թեև, պատգամավորի անձեռնմխելիության վերաբերյալ քվեարկությունն, ըստ կանոնակարգ օրենքի գաղտնի է, այնուամենայնիվ ԱԱԾ-ի բացահայտումից հետո տարբեր պատգամավորներ արդեն իսկ հայտնել են իրենց տեսակետը խնդրի շուրջ եւ հայտարարել թե ինչպես են քվերակելու:

Orer.am-ը կապ հաստատելով ՀՀ ԱԺ փոխնախագահ Էդուրարդ Շարմազանովի հետ հետաքրքրվեց, թե ինչպես է ինքը՝ որպես ՀՀԿ անդամ քվերակելու Մանվել Գրիգորյանին պատգամավորական անձեռնմխելիությունից զրկելուն.

« Ես չեմ մասնակցելու քվեարկությանը, քանի որ ընդամենը մի քանի ժամից մեկնում եմ Ալբանիայի մայրաքաղաք Տիրանա, որտեղ տեղի է ունենալու Սեւծովյան խորհրդարանական վերաժողովի նախագահության անցումը Ալբանիայից Հայաստանին: Ես պետք է ներկայացնեմ Հայաստանի Հանրապետությունը ու պատիվ ունեմ ստանձնել Հայաստանի նախագահությունը Տիրանայում: Այնտեղ նախատեսվում է հանդիպում տվյալ երկրի պառլամենտի նախագահի հետ, ինչպես նաև ռուսական, հունական, մոլդովական պատվիրակությունների ղեկավարների հետ », ինչպես ընդգծեց Էդուարդ Շարմազանովը ,կատարվելիք այցը բավական հագեցած է լինելու:

Փոխխոսնակը շեշտեց նաև. « Պատգամավորին անձեռնամխելիությունից զրկելու ընթացակարգ պետք է լինի գաղտնի ու ես կարծում եմ, որ բոլոր դեպքերում պետք է հարգել անմեղության կանխավարկածը ու մյուս կողմից էլ պետք է չխոչընդոտենք նախաքննության օրինական ընթացքին»: