Վաշինգտոնի անսպասելի հարվածը՝ Նիկոլ Փաշինյանին
ՀԱՍԱՐԱԿՈՒԹՅՈՒՆՉնայած հիմնականում ընդունված է այն տեսակետը, որ Հայաստանում ընթացող գործընթացները զերծ են արտաքին ազդեցության տարրերից, սակայն անվիճելի է, որ ցանկացած գործընթաց հնարավոր է համարել զուտ սեպարատ բնույթ կրող բացառապես այն պարագայում, երբ դրանում չեն շոշափվում աշխարհաքաղաքական ուժային կենտրոնների շահերը:
Այն պնդումը,թե հայաստանյան գործընթացներում լուրջ հետաքրքրվածություն չեն ցուցաբերում գերտերությունները՝ թողնելով պրոցեսն ինչ-որ իմաստով ինքնահոսի վիճակում, չի համապատասխանում իրականությանը:
Հայաստանում ԱՄՆ դեսպան Ռիչարդ Միլսը ապրիլի 25-ին հանդիպում է ունեցել ՀՀ վարչապետի ժամանակավոր պաշտոնակատար Կարեն Կարապետյանի հետ՝ քննարկելու Հայաստանում ստեղծված ներքաղաքական իրավիճակը: Միլսը շատերի համար բոլորովին անսպասելի կերպով մի ուշագրավ հայտարարությամբ է հանդես եկել, որն, ըստ էության, ուղղված է ոչ այնքան ՀՀ իշխանություններին, որքան առաջին հերթին ընդդիմությանը:
«Ես հասկանում եմ, որ այս ցույցերը, քաղաքացիական անհնազանդության գործողությունները հանդիսանում են օրենքի խախտում, և կառավարությունը պարտավոր է ապահովել հասարակական կարգն ու անվտանգությունը հնարավորինս լավ: Ես վստահ եմ, որ ժողովրդավարության կամ ժողովրդավարության ամրապնդման ճանապարհը այն չէ, որ վարչապետի թեկնածուն ընտրվում է փողոցում՝ ցույցի ժամանակ»,-Կարապետյանի հետ ունեցած հանդիպմանը հայտարարել է դեսպան Միլսն ու սրանով, ըստ էության, դեղին քարտ ցույց տվել Նիկոլ Փաշինյանին, ով, ի դեպ, համարվում է Հայաստանյան քաղաքական դաշտի արևմտամետ ուժերի գլխավոր ներկայացուցիչներից մեկը:
Ի՞նչ է նշանակում Միլսի ասածը:
Միլսն, ըստ էության, հեռակա կարգով արձագանքել է Նիկոլ Փաշինյանի բարձրաձայնած այն համոզմանն, ըստ որի՝ վարչապետին ընտրելու է փողոցը, այլ ոչ թե խորհրդարանը:
Ավելին՝ Միլիս խոսքերում կա ուղղակի ակնարկ Փաշինյանին՝ դադարձցնելու փողոցային ակցիաներն ու վերադառնալու խորհրդարան՝ Սահմանադրությամբ սահմանված այն վայրը, ուր պետք է կայանա վարչապետի ընտրությունը, հակառակ պարագայում առայժմ միայն տեսական բնույթ կրող իշխանությունների ուժային մեթոդները ,որոնց սպառնալիքն իրականում կախված է օդում, կարող են նունիսկ օրինական համարվել:
Այսպիսով՝ պետք է արձանագրել, որ ի դեմս Ամերիկայի Փաշինյանը զրկվում է իր կարևորագույն աջակցից՝ աշխարհում ժողովրդավարության հիմնական ջատագովի աջակցությունից:
ԱՄՆ փաստացի չի ողջունում ժողովրդին փողոցներում մինչև վերջ անորոշության մեջ պահելու Փաշինյանի պլանն ու համարում է, որ այդ իրավիճակը կարող է հղի լինել բոլորովին անկանխատեսելի հետևանքներով՝ միաժամանակ կարևորելով քաղաքական ուժերի միջև երկխությունը:
Ինչ խոսք՝ Հայաստանում ստեղծված ներքաղաքական ճգնաժամն ու ժողովրդական հուզումները պայմանավորված են բացառապես երկրի ներքին իրավիճակով, սակայն անքննարկելի է այն, որ այս ամենի ելքը պայմանավորված է լինելու ոչ միայն ընդդիմության կամ իշխանության գործողություններով, այլև առաջին հերթին գերտերությունների որդեգրած դիրքրոշմամբ:Ո՛չ ԱՄՆ-ին ու ո՛չ էլ Ռուսաստանին ձեռնտու չի կարող լինել Անդրկովկասում անկայուն Հայաստանի առկայությունը, ու Միլսը Փաշինյանին հենց դրա մասին է ակնարկում՝ համոզմունք հայտնելով՝ ուլտիմատումներ ներկայացնելու ժամանակներն անցյալում են ու պետք է օրինական քաղաքական պրոցես սկսել նախևառաջ Հայաստանի խորհրդարանում:
Մանրամասները՝ այստեղ
