Մենք մշտական ուշադրության ու հոգածության կենտրոնում ենք պահում սոցիալական տարբեր խմբերում ընդգրկված ընտանիքներին. Ռուզաննա Զաքարյան

Analitik.am-ը գրում է ` 

Յուրաքանչյուր տարի համապետական ու համաքաղաքային տոներին ընդառաջ Երևանի քաղաքապետարանի կողմից իրականացվում են սոցիալական նշանակության բազմաթիվ ծրագրեր, որում ընդգրկվում են սոցիալական տարբեր խմբեր: Առաջիկայում սպասվող ծրագրերի ու նախաձեռնությունների շուրջ Analitik.am-ը   զրուցեց Երևանի քաղաքապետարանի աշխատակազմի սոցիալական ապահովության վարչության պետ Ռուզաննա Զաքարյանի հետ:

Երևան քաղաքի սոցիալական ոլորտի ռազմավարությունը նպատակաուղղված է մայրաքաղաքում աղքատության կանխարգելմանը, դրա հաղթահարմանն ու աստիճանական կրճատմանը, ինչպես նաև կայուն և համաչափ սոցիալական միջավայրի ձևավորմանը: Որդեգրած քաղաքականության շրջանակում սոցիալական աջակցության բազմաթիվ ծրագրեր են իրականացվել և իրականացվում, որում ընդգրկվում են Արցախյան պատերազմում և առհասարակ շփման գծում զոհվածների, մարտական գործողությունների մասնակիցների ընտանիքները, Հայրենականի Մեծ պատերազմի վետերանները, բազմազավակ, ինչպես նաև ծնողազուրկ երեխաներ ունեցող ընտանիքները, տարեցները,  հաշմանդամություն ունեցող անձինք: Մենք մշտական ուշադրության ու հոգածության կենտրոնում ենք պահում նաև սիրիահայ ընտանիքների, մուրացկանությամբ զբաղվող անձանց, ինչպես նաև անօթևաններին, որոնց տեղավորում ենք ժամանակավոր կացարանում:

Իսկ ի՞նչ ծրագրեր են նախատեսված 2018թ. ընթացքում:

Բոլոր այն ծրագրերը, որոնք իրականացվել են 2017թ. ընթացքում Երևանում, շարունակական են լինելու նաև 2018թ.-ին: Ըստ այդմ, հետևողական աշխատանքներ են տարվելու Արցախում և ՀՀ սահմանամերձ գոտիներում ծառայող երևանաբնակ զինծառայողների ծնողների այցի կազմակերպման, «Էրեբունի-Երևան» տոնակատարության սոցիալական բաղադրիչի իրականացման, առաջին դասարան հաճախող երեխաներին գրենական պիտույքների և դպրոցական պարագաների տրամադրման, սոցիալապես անապահով ընտանիքների երեխաների՝ ճամբարներում ամառային հանգստի կազմակերպման, ինչպես նաև բարեգործական ճաշարանների գործունեության շարունակականության ապահովման ուղղությամբ: Մշտական ուշադրության կենտրոնում կշարունակեն գտնվել սոցիալական տարբեր խմբերում ընդգրկված ընտանիքները:

Бильярдные кии в Ереване! Выставка.Более 200 киев для бильярда в наличии в салоне на ул. Киевяна! Выбор. Скидки!Более 200 киев для бильярда в наличии в салоне на ул. Киевяна! Выбор. Скидки!billiard-group.ruКии для русского бильярдаКии для пулаКии снукерМагазин в ЕреванеДоставка по всей АрменииТеперь и в АрменииВ наличие и на заказПерейтиЯндекс.ДиректСкрыть рекламу:Не интересуюсь этой темойТовар куплен или услуга найденаНарушает закон или спамМешает просмотру контента

Спасибо, объявление скрыто.

Որպես սոցիալական նշանակության հաջողված ծրագիր՝ ո՞ր նախաձեռնությունը կառանձնացնեիք:

Գիտեք, յուրաքանչյուր տարի, իսկապես մեծ սիրով ու պատասխանատվությամբ ենք պատրաստվում սահմանամերձ գոտիներում ծառայող երևանաբնակ զինծառայողների ծնողների այցին և որդիներին տեսակցության կազմակերպմանը: Երևանի քաղաքապետի այս նախաձեռնությունը ոչ միայն դարձել է սոցիալական նշանակության հաջողված ծրագիր, այլև կարևոր տեղ է զբաղեցնում բանակ-հասարակություն կապի ամրապնդման հարցում: Հարկ է նշել, որ 2013թ.-ից մեկնարկած սոցիալական կարևոր նշանակություն ունեցող այս ծրագրի շնորհիվ երևանաբնակ ավելի քան 10000 ծնող արդեն հնարավորություն են ունեցել այցելել իրենց զավակներին ու տեղերում ծանոթանալ նրանց ծառայության պայմաններին: Նախաձեռնության հանդեպ երևանցիների հետաքրքրությունն ու ծրագրին ակտիվ մասնակցությունը մեկ անգամ ևս փաստում են, որ այն իսկապես սպասված էր ու անհրաժեշտ: Տեղեկացնեմ նաև, որ այս տարվա առաջին այցը նախատեսված է ապրիլի 27-ին, և մենք արդեն իսկ սկսել ենք նախապատրաստական աշխատանքները:

Տիկին Զաքարյան, իսկ ի՞նչ նախաձեռնություններ եք ունեցել Մայրության և գեղեցկության օրվա առթիվ: Կա՞ն սոցիալական նշանակության ծրագրեր, որոնք իրականացվում և իրականացվել են հենց տոնի շրջանակում:

Ե՛վ Կանանց միջազգային օրվա, և՛ Մայրության և գեղեցկության օրվա առթիվ Երևանի քաղաքապետարանի կողմից լինում են սոցիալական նշանակության կարևոր նախաձեռնություններ, որոնք նույնպես արդեն դարձել են սպասված մեր համաքաղաքացիների կողմից:

Երևանի քաղաքապետ Տարոն Մարգարյանի հանձնարարությամբ, այս տարի ևս քաղաքապետարանի աշխատակազմի աշխատակիցներն այցելել են անապահովության գնահատման համակարգում հաշվառված 4 և ավելի անչափահաս երեխաներ ունեցող շուրջ 250 բազմազավակ ընտանիքների, հայրենիքի պաշտպանության համար ապրիլյան պատերազմում զոհվածների մայրերին ու կանանց, սիրիահայ բազմազավակ կանանց, ինչպես նաև մայրանալ պատրաստվող կանանց: Մայրության և գեղեցկության օրվա առթիվ՝ նրանք ստացել են ծաղիկներ, Երևանի քաղաքապետի շնորհավորական բացիկները, ինչպես նաև տարբեր նվերներ:

2018թ. հոբելյանական տարի է Երևանի համար: 2800-ամյակին ընդառաջ սոցիալական նշանակության նախաձեռնություններ  սպասվո՞ւմ են:

Ձևավորված ավանդույթի համաձայն, արդեն չորրորդ տարին անընդմեջ, Երևանի ծննդյան օրվա շրջանակում մայրաքաղաքում իրականացվում է սոցիալական բաղադրիչ-ծրագիրը: Այս տարի ևս, շուրջ 2800 ընտանիքներ՝ ճիշտ մայրաքաղաքի ծննդյան տարեթվին համապատասխան, կստանան անակնկալ նվերներ՝ կենցաղային տեխնիկա: Ցուցակները կազմելիս մենք անում ենք հնարավորը, որպեսզի բացառենք նախորդ տարիների հետ կրկնությունները: Նաև հաշվի ենք առնում բնակիչների առաջարկները: Սա, իսկապես հաճելի ու կարևոր նախաձեռնություն է, որի շրջանակում Երևանի հիմնադրման 2800-ամյակին ընդառաջ, այս տարի ևս, մայրաքաղաքի բնակիչները կզգան Երևանի տոնական ու հոգատար շունչը: