Ավելի քան խոսուն ներդրումներ՝ ավելի քան տեսանելի արդյունքներ

Սյունե Խանդիլյանը ֆեյսբուքյան իր էջում գրում է՝

Հայաստանի տնտեսական զարգացման համար ներդրումներ կատարելը պարզապես կենսական պահանջ է, որն իր հետ բերում է ոչ միայն տնտեսության տարբեր ճյուղերի զարգացում, այլև նպաստում է աշխատատեղերի ստեղծմանը։ Նմանօրինակ խոշորածավալ ներդրումներ Հայաստանում ապահովում է «Մուլտի գրուպ» կոնցեռնը, որի՝ օրերս ներկայացված տեղեկատվության համաձայն 2015 թվականից ի վեր Հայաստանում ավելի քան 1 միլիարդ 200 միլիոն դոլարի ներդրում է կատարվել: 
Այսօր նման ներդրումային իրողություն ունենալու համար առանցքային դեր է կատարել «Մուլտի Գրուպ» կոնցեռնի հիմնադիր Գագիկ Ծառուկյանի անձնական հեղինակությունը։Նմանօրինակ ծավալի ներդրում իրականացնելու համար երկար տարիներ կպահանջվեր, բայց տեղի է ունեցել այսպիսի կարճ ժամանակահատվածում` ինչը նորանկախ Հայաստանի պատմության մեջ աննախադեպ ձեռքբերում է։

Վերջիններս ոչ միայն արդեն տեսանելի արդյունք են տալիս, այլև նոր նախագծերի ու մտահաղացումների կյանքի կոչման համար հիմք են հանդիսանում։ Դրանցից կարելի է առանձնացնել «Առինջ մոլի» հարևանությամբ այս պահին միաժամանակ իրականացվող մի քանի մեծածավալ նախագծերը, որոնցից ամենամասշտաբայինը` մոտ մեկ միլիոն քմ տարածքով խոշոր արդյունաբերական քաղաքի կառուցումն է, որի մեջ տեղավորվելու են 10-13 գործարան: 
Իսկ առաջիկա երկու ամիսներին սպասվում է «Մուլտի Գրուպ» կոնցեռնի նախագծերից` արևային համակարգեր արտադրող «Մուլտի Սոլյար» ընկերության մուտքը Հայաստանի շուկա, որի ստեղծման համար կատարվել է ավելի քան 10 մլն դոլարի ներդրում, որի կայացումը կբերի 200 նոր աշխատատեղերի բացման։ 
Սա ընդամենը մի փոքրիկ հատվածն է այն ամենի ինչ կատարվել է «Մուլտի Գրուպ» կոնցեռնի նախաձեռնությամբ տարիներ շարունակ, իսկ առաջիկայում սպասվում են էլ ավելի մեծածավալ նախագծեր, որոնք խոստանում են տնտեսական կայունության և ակտիվության երաշխիք հանդիսանալ։