Դիմահարդարման գաղտնիքները. 20 օգտակար խորհուրդ կատարյալ տեսք ունենալու համար
ՖՈՏՈԴիմահարդարումը մեծ ջանքեր ու տաղանդ պահանջող գործ է։ Նորաձևությանը հետևող հարյուրավոր կանայք փորձում են մշտապես օգտագործել դիմահարդարման նոր թրենդները և հետ չմնալ նորաձևությունից։ Սակայն, քչերին է հաջողվում հասնել ցանկալի արդյունքին, քանի որ նրանք չգիտեն մի քանի խորամանկության մասին, որոնք օգտագործում են առաջատար դիմահարդարները՝ կատարյալ կերպար ստանալու համար։
1. Դիմահարդարումը սկսվում է տոնային կերպով։ Այն պետք է անպայման համապատասխանի ձեր մաշկի գույնին։ Դա ստուգելու համար այն քսեք ձեռքին ու համեմատեք։ Սակայն, սա դեռ ամենը չէ։ Մի փոքր կրեմ քսեք կզակին ու մի քանի րոպե սպասեք, որպեսզի այն հասնի ձեր մարմնի ջերմաստիճանին։ Այդ ժամանակ ավելի լավ կտեսնեք՝ գույնը համընկնու՞մ, թե՞ ոչ։
2. Եթե կասկածում եք, թե երանգներից որն է ձերը, ապա հանգիստ ընտրեք բացը՝ այն թարմություն կհաղորդի մաշկին։
3. Աչքերի տակի կապույտ օղակներից ազատվելու համար մաշկի գույնից մի փոքր բաց կորեկտոր օգտագործեք։ Հաշվի առեք, որ վարդագույն կորեկտորը կթաքցնի կապույտ օղակները, իսկ ոսկեգույնը փայլ կհաղորդի։
4. Դիմափոշին պետք է մաշկի գույնի լինի կամ մեկ երանգով ավելի բաց։ Ամառային օրերին օգտագործեք մեկ երանգով մուգ դիմափոշի՝ արևայրուքին համապատասխանելու համար։
5. Որքան ավելի մուգ է մաշկը, այնքան ավելի խորը գույնի պետք է լինի ձեր կարմրաներկը։
6. Ավելի հեշտ է երկու տեսակի կարմրաներկ օգտագործել՝ մուգը դեմքին ձև հաղորդելու համար, իսկ բացը դեմքին թարմություն հաղորդելու համար։
7. Աչքերի դիմահարդարման դեպքում բաց գույները մեծացնում են աչքը, իսկ մգերը՝ փոքրացնում։
8. Օգտագործեք նույն գույնի 2-3 երանգ՝ ավելի բացը աչքերի վերին հատվածում և այդպես շարունակ։
9. Կոպերն ընդգծելու համար կարող եք աչքի մատիտ օգտագործել։ Մատիտի գույնը պետք է համապատասխանի ստվերաներկի գույնին։
10. Փարթամ թարթիչների համար օգտագործեք սև տուշ, սա միշտ աշխատող տարբերակ է։
11. Եթե որոշել եք գունավոր տուշ օգտագործել, ապա այն պետք է համապատասխանի աչքերի գույնին։ Շագանակագույն տուշը համապատասխանում է կապույտ ու մոխրագույն աչքերին, իսկ մոխրագույն ու կապույտ գույները՝ շագանակագույն ու կանաչ աչքերին։
12. Ձեր դեմքի ամենավառ հատվածը շրթունքներն են։ Դրանց գույնը պետք է համապատասխանի ամբողջ դեմքի դիմահարդարմանը։
13. Օգտագործեք շրթունքները եզրագծող մատիտ, որն անպայման պետք է համապատասխանի շրթներկի գույնին։
14. Դիմահարդարման ժամանակակից մեթոդներից մեկը թափանցիկ եզրագծող մատիտ օգտագործելն է։ Մատիտի գույնը պետք է համապատասխանի շրթներկին միայն այն դեպքում, երբ վառ գույն եք ընտրել։ Եթե բաց, պաստելային գույներ եք ընտրել, ապա կարող եք թափանցիկ մատիտ ընտրել։ Դրա հիմնական գործառույթը շրթներիկին տարածվել թույլ չտալն է։
15. Վառ գույնի շրթներկը վրձնի օգնությամբ քսեք։ Այսպես և հարմար է, և ավելի գեղեցիկ է գույնը բացվում։
16. Շրթներկի այնպիսի գույներ ընտրեք, որոնք գեղեցիկ կնայվեն նաև առանց դիմահարդարման։
17. Վառ շրթներկը պահանջում է աչքերի բաց գույնի դիմահարդարում։
18. Շրթներկն ու աչքերի դիմահարդարումը պետք է ներդաշնակ լինեն։
19. Շրթունքների փայլը կարող եք քսել նաև շրթներկի վրայից, սակայն այդ դեպքում այն պետք է թափանցիկ լինի։
20. Շրթունքներին ծավալ հաղորդելու համար երկու կետով փայլեր քսեք վերևի շրթունքին և մեկ կետով ներքևինի մեջտեղում։
