Ռամզան Կադիրովի շքեղ առանձնատունը՝ ներսից․ բացառիկ նկարահանում (տեսանյութ)
ՎԻԴԵՈ«Չեչնիայի մայրաքաղաքը տոնեց Վլադիմիր Պուտինի ծննդյան օրը»,- The Daily Beast-ում հրապարակված իր հոդվածում գրում է լրագրող Աննա Նեմցովան: Ավելի քան 100 հազար երիտասարդներ մասնակցեցին երթին, որը գլխավորում էր Չեչնիայի առաջնորդ Ռամզան Կադիրովը:
Վերջին 10 տարիների ընթացքում Կադիրովին հաճախ են քննադատել` մեղադրելով ավտորիտար կառավարման եւ մարդու իրավունքների խախտումների մեջ: «Բայց չեչենները գովաբանում են Կադիրովին այն բանի համար, որ ահաբեկչական հարձակումների դեպքերը նվազել են, շենքերը վերականգնվում են ավերակներից, ՌԴ կառավարությունից Չեչնիայի համար սուբսիդավորման տեսքով միլիարդավոր ռուբլի է ստացվում: Հարեւան հյուսիս-կովկասյան հանրապետություններում շատերն ասում են, որ նախանձում են Չեչնիային, որ նա այդպիսի ուժեղ առաջնորդ ունի: Կադիրովն ասել է ինձ. «Քանի դեռ Պուտինն աջակցում է ինձ, ես կարող եմ ամեն ինչ անել. Ալլահ Ագբար»,- գրում է Նեմցովան:
Սակայն նոր հակամարտությունների ուրվականը սկսում է մթագնել իրավիճակը Չեչնիայում: «Կադիրովը բազմաթիվ թշնամիներ ունի, սակայն ամենավտանգավորներից են նրանք, ովքեր Սիրիայում եւ Իրաքում ԻՊ-ի շարքերում այժմ հղկում են զինյալների եւ հրամանատարների իրենց հմտությունները»,- ասվում է հոդվածում:
Անցյալ հանգստյան օրերին Կադիրովը կազմակերպել էր մեկ այլ մեծ տոնախմբություն: «Նա նշել է իր ծննդյան օրը, ինչպես նաեւ Գրոզնի քաղաքի օրը»,- գրում է հեղինակը: Պլանավորվում էին երեկույթներ եւ աստղերի համերգներ: Մոտավորապես ժամը 17-ին համերգասրահի մուտքի մոտ ոստիկանները կանգնեցրել են կասկածելի մի երիտասարդի: «Հենց այդ պահին ուժեղ պայթյուն է որոտացել, որը հիշեցրել է անցյալի պայթյունները, ցնցել Գրոզնին»,- ասվում է հոդվածում:
Ահաբեկիչները նախապես էին ծրագրել հարձակումը «որպես սպառնալիք` ուղղված Կադիրովին եւ Պուտինին»,- ասել է Գրիգորի Շվեդովը` «Կովկասյան հանգույց» օնլայն գործակալության խմբագիրը: «Եվ թեեւ ոչ մի ուղղակի կապ չի հաստատվել, կիրակնօրյա ահաբեկչական հարձակումը տեղի է ունեցել անմիջապես այն բանից հետո, երբ ԻՊ-ի առանցքային առաջնորդներից մեկը` Աբու Օմարը, պատրաստակամություն էր հայտնել 5 մլն. դոլար պարգեւավճար տալ Կադիրովի սպանության համար»,- ասվում է հոդվածում:
«Կովկասի էմիրության» զինյալները Կադիրովին մեղադրում են Հյուսիսային Կովկասում իսլամը ճնշելու եւ Սիրիայում Բաշար Ասադին աջակցելու մեջ»,- ասել է Շվեդովը:
«Կադիրովն առաջարկում է այլընտրանքային` ռուսամետ իսլամ, որը աջակցություն է վայելում ՌԴ կառավարության կողմից, այդ թվում՝ դպրոցներում կանանց եւ աղջիկների գլխաշոր կրելու կանոնների ներդրումը եւ մզկիթների շինարարության հովանավորումը: Այսօրվա Չեչնիայում Կադիրովն արել է ամեն ինչ, որպեսզի իր կողմը գրավի երիտասարդներին եւ Վլադիմիր Պուտինին ավելի հանրաճանաչ դարձնի, քան ԻՊ-ն է եւ այդ խմբավորման գաղափարները»,- այսպես է եզրափակում հոդվածը Նեմցովան:
Առավել մանրամասն՝ Այստեղ
