Հայրեր եւ դուստրեր. ի՞նչ պետք է իմանա դուստր ունեցող յուրաքանչյուր հայր 

Մարդիկ, ովքեր իմանում են, որ ես չորս դուստր ունեմ եւ մեկ որդի, հաճախ ասում են. «Չորս աղջի՞կ: Այ թե բախտդ չի բերել»: Անկեղծ ասած, ես ցավում եմ այդ մարդկանց համար: Հասկացեք, երբ դուք ունեք չորս աղջիկ, դա մի մեծ հարստություն է:

1. Նրան պետք է Ձեր սերը

Սովորեք ցույց տալ սերը ձեր դստեր հանդեպ: Նա դրա կարիքն ունի ավելի, քան գումարն ու նվերները: Ոչ ոք աշխարհում նրան չի տա վստահության եւ պաշտպանվածության զգացում, ինչպես սիրող հայրը: Նա պետք է իմանա, որ դուք իրեն սիրում եք այնպիսին, ինչպիսին նա կա, եւ որ ծնողական տանը նրան միշտ կհասկանան եւ կներեն: Մի՛ ամաչեք բարձրաձայնել ձեր սերը: Պարզապես նայեք նրա աչքերին եւ ասեք. «Ես սիրում եմ քեզ»:

2. Ձեզանից է կախված, թե ինչ տղամարդ կընտրի նա

Ձեր հարաբերություններից է կախված, թե ով կդառնա նրա ամուսինը: Եթե դուք լավ հայր եք, նա կփնտրի ձեզ նման տղայի: Եթե ոչ, ապա նրա համար շատ դժվար կլինի ամուսնանալ եւ գտնել իրեն հարմար մեկին:

3. Լսեք նրա նախընտրած երաժշտությունը

Շարունակությունը՝  Այստեղ

Երբ աղջիկը դեռահաս է դառնում, նրա մոտ ժամանակակից երաժշտության հանդեպ սեր է առաջանում, որը միշտ չէ, որ դուք հավանում եք: Փորձեք հասկանալ, թե ինչն է նրան դուր գալիս: Լսեք ձայնասկավառակներ նրա հետ, գնացեք մի նորաձեւ խմբի համերգին, որպեսզի իմանաք, թե ինչից խոսեք: Երբ դուք միասին ճանապարհորդում եք մեքենայով, մի փոխեք երաժշտությունը, որը նա է ընտրել: Վերջապես հիշեք, որ այն ժամանակը, երբ դուք ճանապարհորդում եք միասին, շուտով կավարտվի, իսկ վիրավորանքը կմնա:

4. Նա տեսնում է, թե ինչպես եք դուք վերաբերվում իր մորը

Սա ամենակարեւոր խորհուրդն է այս ցուցակում: Դուք կարող եք հետեւել միայն սրան, եւ հաջողությունը ձեր դստեր հետ հարաբերություններում ապահովված է: Դա շատ պարզ է. ցույց տվեք, որ սիրում եք նրա մորը եւ որ ձեզ համար թանկ է ձեր միությունը: Սա օգտակար է ոչ միայն ձեր ամուսնության ամրապնդման, այլեւ ձեր երեխաների հետագա ամուսնության համար:

5. Մի՛ հեռացեք նրանից, երբ նա դեռահաս է դառնում

11-ից մինչեւ 15 տարեկանը սկսվում է դժվար տարիքը, երբ ձեր դուստրը կփոխվի թե արտաքնապես եւ թե ներքնապես, կդառնա կոպիտ եւ անհնազանդ: Մի՛ հեռացեք նրանից այդ դժվար ժամանակաշրջանում, պահեք զգացմունքային կապը: Տեղյակ եղեք նրա մտահոգություններին, հետաքրքրություններին, զբաղմունքներին, դուր եկած տղաներին եւ այլ բաներին, որպեսզի նա ազատորեն կարողանա դիմել ձեզ ցանկացած օգնության համար: Դուք պետք է միշտ նրան սիրով եւ ըմբռնումով մոտենաք, անկախ նրանից, թե քանի տարեկան է նա՝ 5, թե 15:

6. Զբաղվեք սպորտով նրա հետ, դա ամրապնդում է բնավորությունը

Որպեսզի աղջիկը մեծանա, առողջ եւ ուժեղ կին դառնա, նա պետք է սիրի սպորտը, եւ այդ հարցում կարող եք օգնել դուք: Նրա հետ վարժություններ արեք, վազեք կամ հեծանիվ վարեք: Աղջիկները չպետք է թուլամորթներ մեծանան: Չէ որ այսօր կանացիությունը միայն շրջազգեստը չէ, այլ նաեւ մարմնի եւ ոգու ուժը:

7. Ավելի հաճախ կազմակերպեք տոներ

Մանկությունը պետք է մնա դստեր հիշողության մեջ ամենաերջանիկ հիշողություններով: Իսկ այդ հիշողությունները ձեւավորում են փոքրիկ ուրախություններն ու միջոցառումները: Մի՛ մոռացեք ձեր ֆոտոխցիկը, որպեսզի հետո ալբոմ նվիրեք, որպես հուշանվեր: Մի՛ ծուլացեք, հորինեք տարբեր միջոցառումներ եւ լուսանկարվեք: Լրացրեք ձեր դստեր զգացմունքային հիշողությունը միասին անցկացրած իրադարձություններով:

8. Երբ տանն եք, անջատեք բջջայինը

Շատ հայրերի մեծ սխալն է, երբ վերադառնում են տուն, նրանք ըստ էության շարունակում են բացակայել: Նրանք դուրս չեն գալիս բջջային հեռախոսից, պատասխանում են նամակներին Tweeter-ում կամ Facebook-ում: Եվ այդ ժամանակ ձեր փոքրիկ աղջիկը սպասում է ձեզ, որպեսզի դուք ուշադրություն դարձնեք նրան: Անջատեք հեռախոսը, որոշ ժամանակ տրամադրեք, նա ամբողջ օրը սպասել է ձեզ: Խաղացեք նրա հետ, գիրք կարդացեք կամ պարզապես գրկեք նրան: Հիշեք, որ շատ շուտով նա այլ հետաքրքրություններ կգտնի, եթե նրան ուշադրություն չեն դարձնում տանը:

9. Բաց մի թողեք մանկությունը

Կյանքը չի գնում, այլ սլանում է մեծ արագությամբ: Կա մարդ, ում պետք եք դուք հիմա, ով ձեզ հայրիկ է կոչում: Վայելեք հոր դերը, մի բաց թողեք ձեր երեխայի մանկությունը, այն շատ արագ կանցնի, չեք էլ հասցնի թարթել ձեր աչքը:

10. Մի վախեցեք նրանից ներողություն խնդրել

Շատ հայրեր ամեն ինչ անում են իրենց դուստրերի համար, բայց նրանք հրեշտակներ չեն. պատահում է, որ հայրը չի կատարում իր խոստումը: Մի՛ ամաչեք ներում խնդրել նրանից, երբ դուք սխալվել եք: Դա չի հեղինակազրկի ձեզ: Եթե դուք չգիտեք ներում խնդրել, ապա սովորեք, քանի դեռ ուշ չէ: Այս խոսքերը պետք է սրտից բխեն: Միայն դա կդարձնի ձեզ ավելի մոտ ձեր դստեր հետ, եւ նա կների ձեզ: