• Հետաքրքիր է, որ մարդիկ մեղր են ստացել դեռեւս քարե դարում: Իսպանիայում գտնվող Կուեւաս դե լա Արանիայի քարանձավներում հայտնաբերվել է հնագույն ժայռի վրա արված նկար, որտեղ պատկերված է մարդ, ով բարձրանում է ծառի վրա, որպեսզի մեղր հանի վայրի մեղուների փեթակից: Այդ նկարը արված է մոտ 8 հզր. տարի առաջ:
• Երբ են մեղուներին սկսել պահել տնային պայմաններում՝ անհայտ է: Սակայն հնագետները պարզել են, որ հին Եգիպտոսում մեղվապահությունը հայտնի էր դեռ մ.թ.ա. III հազարամյակից: Այդ զբաղմունքը այնքան էր հարգի, որ եգիպտական փարավոններից մեկի տիտղոսն էր «մեղուների տիրակալ»:
• Մեղուները ունեն հոտառության ուժեղ զգացողություն: Նրանք ընդունակ են նեկտարի հոտն առնել նույնիսկ մեկ կիլոմետր հեռավորությունից:
• Որպեսզի մեկ կիլոգրամ մեղր հավաքի, մեղուն պետք է մոտ 5 հզր. անգամ դուրս գա նեկտար հավաքելու՝ «այցելելով» ավելի քան 10 հզր. ծաղիկների: Այդ դեպքում նա թռչում է մոտ 300 հզր. կիլոմետր տարածություն:
• Մեղուները հաղորդակցվում են միմյանց հետ մարմնի շարժումներով («մեղուների պարերով») եւ բուրող նյութերով՝ ֆերոմոնով, որն արտադրում է նրանց օրգանիզմը:
• Մեղուն կարող է տանել մոտ 50 միլիգրամ նեկտար: Ճիշտ է, հավաքած նեկտարի որոշ մասը նա ուտում է թռիչքի ժամանակ, որպեսզի ուժ ունենա մնացածը տեղ հասցնելու: Եթե տարածությունը, որը նրան պետք է թռչել, շատ մեծ է, մեղուն օգտագործում է իր հավաքած նեկտարի 60-70%-ը:
• Երբ մեղվապահները մեղուներին ծխահարում են, ապա դա նրանց չի հանգստացնում, ինչպես ընդունված է համարել: Ավելի շուտ հակառակը՝ դա նրանց վախեցնում է: Մեղուները սովորել են էվոլյուցիոն հազարամյակների ընթացքում, որ ծուխը անտառային հրդեհների նշան է, այդ պատճառով էլ նրանք էվակուացնում են իրենց թրթուրներին եւ հավաքած մեղրը: Քանի որ մեղրը գտնվում է մեղվի որովայնի մոտ, այն չի ծալվում, եւ բնականաբար միջատը չի կարող խայթել, ինչից եւ օգտվում են մեղվապահները:
• Մեղուն կարող է հեռանալ փեթակից մոտ 8 կիլոմետր, իսկ հետո հեշտությամբ գտնել վերադարձի ճամփան: Ուրիշ բան է, որ այդքան հեռու մեղուները սովորաբար չեն թռչում, որպեսզի շատ էներգիա չվատնեն: Մեղուների սովորական աշխատանքային թռիչքը սահմանափակվում է 2 կիլոմետր շառավղով:
• Մեղրի ամենաշատ քանակությունը սեզոնին հավաքում են սիբիրյան եւ հեռավոր արեւելքում գտնվող մեղուները: Երբ այդ շրջաններում ծաղկում է լորենին, մեղուները օրական կարող են արտադրել մինչեւ 30 կիլոգրամ մեղր: Ռեկորդային բերք է գրանցվել Սիբիրում՝ սեզոնի ընթացքում մոտ 420 կիլոգրամ:
• Նեկտար հավաքելով զբաղված են փեթակի մեղուների մոտ կեսը: Մնացածները զբաղված են նոր բջիջներ կառուցելով, սերունդին հետեւելով, մեղր արտադրելով եւ այլ օգտակար գործերով:
• Մեղուն մոլորակի ամենաուժեղ կենդանիներից մեկն է: Նա ընդունակ է բարձրացնել իր քաշից 2 անգամ ծանր բեռ: Բացի դրանից, նա հարթ մակերեւույթով կարող է քարշ տալ իր քաշից մոտ 20 անգամ ծանր իր:
• Մայր մեղուն չգիտես ինչու ոչ մի հանգամանքներում չի խայթում մարդուն: Բայց մեկ ուրիշ մայր մեղվի հանդիպելիս միշտ հարվածում է ախոյանին:
• Ընդհանուր ճանապարհը, որը սեզոնին անցնում են մեղր հավաքող մեղուները, մոտավորապես հավասար է 385 հզր. կիլոմետրի: Այդ տարածությունը համադրելի է մեր մոլորակի հեռավորությանը Լուսնից:
• Անհավանական է, բայց փաստ է, որ Լոնդոնի ծառայողական շենքերի կտուրներին կան ավելի քան 2 հզր. փեթակներ: Ինչպե՞ս են մեղուները կարողացել այդ շենքերի աշխատողների ուշադրությունը չգրավել, հանելուկ է մնում:
• Երբ մեղուն թռչում է թեթեւ, նա ընդունակ է զարգացնել մինչեւ 65 կմ/ժ արագություն: Իսկ երբ նա բեռնված է, ապա թռչում է 15-30 կմ/ժ արագությամբ՝ կախված իր կրած բեռի ծանրությունից եւ քամու ողղությունից: Հետաքրքիր է, որ այդ դեպքում մեղուն թափահարում է թեւերը անհավանական հաճախականությամբ՝ մոտ 450 շարժում մեկ վայրկյանում:
• Մեղուներն ընդունակ են հայտնաբերել թմրամիջոցներ եւ պայթուցիկ նյութեր՝ հոտառությամբ: Այդ պատճառով էլ որոշ հատուկ ծառայություններ օգտագործում են հատուկ նախապատրաստած մեղուների: Սակայն հետաքրքիր է, որ լինում է նաեւ հակառակը. մեղուները դառնում են թմրանյութերի առաքիչ: 1985թ.-ին Պերուում առգրավվում է հսկայական քանակի էկվադորյան մեղր, որի մեջ հայտնաբերվում է մեծ տոկոսային հարաբերությամբ կոկաին: Պարզվում է, որ թմրամիջոցը չեն լուծել մեղրի մեջ, այլ դա արել են մեղուները, որոնց էկվադորյան թմրամիջոցների առեւտրականները բաց են թողել այն դաշտերը, որտեղ աճում է կոկան:
• Ճապոնիան հրաժարվում է բազմացնել մեղուների տեղական ցեղատեսակը հօգուտ եվրոպականի, քանի որ նրանք ավելի մեղրատու են: Սակայն ճապոնացի մեղվապահները բախվում են այն խնդրին, որ եվրոպական մեղուները բացարձակ անպաշտպան են ասիական իշամեղուների դեմ, որոնք ավերում են նրանց փեթակները:
