Աստղեր, ովքեր շոկի են ենթարկել ու նույնիսկ վախեցրել երկրպագուներին՝ իրենց արտաքնային փոփոխություններով

2016 թվականի հունվարին՝ առաջին անգամ վերջին ամիսների ընթացքում, կարմիր գորգի վրա հայտնվեց ու շոկի ենթարկեց երկրպագուներին Անջելինա Ջոլին։ Խնդիրը նրա հիվանդագին նիհարությունն էր։ Առաջարկում ենք Ձեզ ինքներդ տեսնել Ջոլիի կերպարանափոխությունը և ինչո՞ւ միայն Ջոլիինը։ Ձեր ուշադրությանն ենք ներկայացնում աստղերի, ովքեր անցած տարի շոկի են ենթարկել և նույնիսկ վախեցրել են երկրպագուներին՝ արտաքնային կտրուկ ու տհաճ փոփոխություններով։

Անջելինա Ջոլի

Ջոլիից միայն կաշին ու ոսկորներն են մնացել, պարզապես կմախք, նայելուց մարդու սիրտ է ցավում... Այսպիսի բնորոշումներով էին հագեցած տաբլոիդներն այն բանից հետո, երբ 40-ամյա դերասանուհին ներկայցավ «Կունգ Ֆու Պանդա 3» մուլտֆիլմի ամերիկյան պրեմիերային։ Կարճ սև զգեստն այդքան էլ շահեկան չէր գեղեցկուհու համար, որովհետև ընդգծում էր նրա վերջույթների հիվանդագին նիհարությունը։

Ջոլիի նիհար ծնկներն առաջ էլ էին հայտնվել լուսանկարիչների օբեյկտիվների թիրախում։ Այդպես եղավ «Մալիֆիսենտայի» 2014 թվականի պրեմիերայի ժամանակ, որում Ջոլին գլխավոր դերն էր խաղացել։ Ընդ որում, այն ժամանակ, ինչպես և հիմա, լրագրողները զարմանում էին հետաքրքիր կոնտրաստով՝ հոգնատանջ մարմին և թարմ ու առողջ դեմք։

2015 թվականը բարդ տարի էր Ջոլիի համար. գարնանը նրան վիրահատության ենթարկեցին ու հեռացրեցին ձվարանը՝ քաղցկեղի առաջացման վտանգը կանխելու համար, իսկ հետո նա ամբողջովին կլանվեց աշխատանքով։ Անհանգիստ երկրպագուները տարակուսում են, թե արդյո՞ք հանգստանալու ժամանակը չէ։

Մայլի Սայրուս

2015 թվականի օգոստոսին, էպատաժային ամերիկացի այս երգչուհին անհանգստացրեց իր հետևորդներին ու երկրպագուներին ինստագրամյան իր մերկ սելֆիներով։

Արհամարհելով նրա զավեշտալի ներքնաշորերի տեսքը, ինչպես նաև դրանց իսպառ բացակայությունը, երկրպագուները կենտրոնացել էին Մայլիի նեղ կոնքերի վրա ու սկսել էին լուրջ հետաքրքրվել, թե արդյո՞ք նա առհասարակ սնվում է։
Սակայն ավելի ուշադիր երկրպագուները միանգամից հանգստացան՝ տեսնելով ստորև ներկայացված երկու լուսանկարները, որոնք պարզ ցույց են տալիս, որ այս դուրս ընկածն ամենևին էլ սովալլուկ չէ։

Լետիսիա թագուհի

Երբ 2004 թվականին սովորական մի լրագրող ամուսնացավ Իսպանիայի ապագա թագավորի հետ, նրա կոլեգաները միահամուռ դեֆերամբներ էին ձոնում նրա գեղեցկությանը։ Սակայն 2015 թվականի օգոստոսին հիացական բացականչությունները զիջեցին իրենց դիրքերն անհանգստություններին. ոսկրոտ ուսերը, ջլոտ ձեռքերն ու չափազանց նիհար ոտքերը ստիպեցին մտորել, թե արդյո՞ք 43-ամյա Լետիսիան չափազանց շատ ուժ չի կորցնում՝ իր կարգավիճակի պատճառով։

Լիամ Նիսոն

2015 թվականի հուլիսին նյույորքյան պապարացիները դժվարությամբ ճանաչեցին Լիամ Նիսոնին՝ ի դեմս այս վտիտ ծերունու։

Համեմատեք ինքներդ. Լետիսիան միշտ խիստ լավ կառուցվածք է ունեցել, բայց երբեք չոր ու նիհար չի եղել։

Չէ՞ որ ընդամենը մեկ ամիս առաջ 63-ամյա դերասանը բավականին լավ տեսք ուներ, ինչն ապացուցում է դեռ հուլիսին լոնդոնյան պատկերասրահում արված այս լուսանկարը։

Կտրուկ փոփոխությունը հարցեր առաջացրեց. մի՞թե սիրված դերասանը լուրջ հիվանդացել է։ Աստղի ներկայացուցիչը շատ լղոզված պնդեց, որ Լիամը երբեք իրեն ավելի առողջ չի զգացել, իսկ հետո ինքն էլ հնչեցրեց անսպասելի ծերացման ու նիհարեցման պատճառը. պարզվում է, որ դա պետք է Մարտին Սկորսեզեի «Լռությունը» ֆիլմում իր դերի համար։ Ֆիլմը կհայտնվի էկրաններին արդեն այս տարի։

2016 թվականին մամուլն ու երկրպագուները վերջնականապես հանգստացան, երբ տեսան Նիսոնի՝ արդեն առողջ տեսքով ու զվարթ տրամադրությամբ այս լուսանկարը՝ արված Սուլի օդանավակայանում։

Վել Քիլմեր

Հոլիվուդյան նախկին սեքս-սիմվոլը, ով, ի թիվս այլ դերերի, մարմնավորել է նաև Բեթմենին, դեկտեմբերի 31-ին նշեց իր 56-րդ տարեդարձը։ Սակայն դրանից կես տարի առաջ բավականին բարետես միջին տարիքի տղամարդը կտրուկ վերածվեց ծերուկի։
Ասես երկու տարբեր մարդիկ լինեն, բայց սա նույն Քիլմերն է։ Ձախում հունիսին արված լուսանկար է, իսկ աջում՝ փետրվարին։

Ըստ ամենայնի, Քիլմերն իրոք առողջական խնդիրներ ունեի, հավանաբար՝ կոկորդի ուռուցք։ Ինքը՝ դերասանը, շարունակում է հերքել, չնայած նրան, որ վերջին շրջանում թաքցնում է պարանոցը շարֆերով, իսկ դեկտեմբերին նրանց բռնացրել էին Մալիբուի փողոցներում՝ տախեոստոմատիկ խողովակով։ Մյուս կողմից, աջ կողմի լուսանկարը, որն արվել էր կաթոլիկ սուրբծննդյան նախօրեին, առողջացման հույս է ներշնչում։ Դրանում Վելն ավելի առողջ ու լցված տեսք ունի։

Դենիզ Ռիչարդս

Ամերիկյան այս դերասանուհին ու մոդելը շատ անգամ է դարձել քննադատությունների թիրախ իր արտաքին տեսքի համար։ 2013 թվականին, երբ նա 42 տարեկան էր, մամուլը լայնորեն տարածեց ձախ կողմի լուսանկարը՝ վերնագրելով այն հետևյալ կերպ․ «Դենիզ Ռիչարդսը կտրուկ ծերացել է. նայեք նրա՝ շոկի ենթարկելու աստիճան բարակ ձեռքերին ու հոգնատանջ դեմքին», իսկ 2014 թվականին նրան, բացի ոսկորոտ լինելուց, քննադատում էին նաև արհեստական արևայրուքը չափազանց չարաշահելու համար

Սակայն քննադատությունները Չարլի Շինի նախկին կնոջը քիչ են հուզում։ Նա պնդում է, որ բացարձակ առողջ ապրելակերպ է վարում։ Խնդիրը հավանաբար նրանում է, որ երկրպագուները չեն կարողանում մոռանալ բիկինիով հյութեղ գեղեցկուհու նրա կերպարը, որն այդքան սիրված էր, երբ Դենիզը դեռ երիտասարդ էր։