Ինչպես է Քիմ Քարդաշյանը խայտառակել հայտնի և սիրված երգչուհուն

Դե ինչ, մեր օրերի ամենահայտնի երգչուհու՝ Թեյլոր Սվիֆթի գահը, ըստ երեւույթին, սկսել է երերալ: Հիշեցնենք, թե որն է Քարդաշյան-Ուեսթ գերդաստանի ու Թեյլորի միջեւ ծագած խնդրի էությունը: Ինչպես գիտեք, Քանյեն վերջերս թողարկել է Famous երգը (այո այո, հենց այս երգի տեսահոլովակում են առատորեն ներկայացված մերկ հանրահայտ մարդիկ՝ այդ թվում Սվիֆթը, ավելի ճիշտ նրանց մեղրամոմից պատրաստված մանեկենները): Այդ երգում մի տող կա Թեյլորի մասին՝ «Ես եմ այդ լրբին հայտնի դարձրել»: Սկանդալը սկսվել է այն բանից հետո, երբ Թեյլորը սկզբում հայտարարել է, որ տեղյակ էր այդ երգի տողերի մասին, քանի որ Քանյեն նրա նախօրոք զգուշացրել էր, իսկ որոշ ժամանակ անց հետ է կանգնել իր այդ խոսքից ու ինչպես Քիմ Քարդաշյանն է ասում՝ նորից սկսել իրեն ներկայացնել զոհի դերում: 

Հենց այդ ժամանակ էլ Քիմը անցել է գործի, ու բոլորի համար անսպասելիորեն Snapchat-ում հրապարակել Քանյեի ու Թեյլորի զրույցի ձայնագրությունը, որտեղ նրանք խոսում էին երգի մասին:

Տեսագրությունից երեւում է, որ Քանյեն Թեյլորի համար ընթերցում է երգի տողերն ու ասում.

«Կարծում եմ, այս տողերը շատ հարմար են»:

«Դրանք հաճոյախոսության նման են հնչում»- պատասխանում է Թեյլորը։

«Ես քեզ թե անհատականություն եմ համարում, թե ընկեր, ու ուզում եմ այնպիսի երգ ստեղծել, որից դու քեզ լավ կզգաս, ես չեմ երգում ռեփ, որից մարդիկ իրենց վատ են զգում»։

«Դու կարող ես գրել ինչ տող կամենաս, շնորհակալություն, որ ինձ տեղյակ ես պահում»,- ասում է Սվիֆթը:

 «Շնորհակալություն, ես ինձ քո նկատմամբ պատասխանատու եմ զգում, քանի որ իմ ընկերն ես»,- ասում է Քանյեն:

«Ես շատ գնահատում եմ դա, երբեք չէի կարծի, որ դու ինձ կհիշատակես քո երգերում: Եվ շնորհակալություն ծաղիկների մասին, որ ուղարկել ես ինձ: Ես լուսանկարը Instagram–ում եմ հրապարակել, այն մեծ քանակության լայքեր է հավաքել իմ միկրոբլոգում»,- նկատում է երգչուհին:

Առայժմ հայտնի է միայն, որ Թեյլորը կատաղած է Քիմի արածից, ու նրա փաստաբանների թիմը փորձում է հասկանալ, թե որքանով էր օրինական հեռուստաաստղի արարքը:

Շարունակելի...

- See more at: http://hartak.am/arm/n-62435#sthash.97n6jHwG.dpuf