Բանակցությունները խզված չեն. Ալեք Ենիգոմշյան
ՊԱՏՄՈՒԹՅԱՆ ԱՅՍ ՕՐԸ
«Հիմնադիր խորհրդարանի» անդամ Ալեք Ենիգոմշյանը քիչ առաջ հայտարարությամբ հանդես եկավ Խորենացի փողոցում: «Այս ընթացքում ես համապատասխան կողմից ստացել եմ հավաստիացում, որ բանակցությունները խզված չեն, դրա համար ես անկեղծորեն գոհ եմ, ուրախ եմ։
Եթե բանակցությունները խզված չեն, այդ դեպքում ակնկալվում է, որ երկու կողմերից սրացման գնացող, լարվածությունը ավելացնող քայլեր չլինեն, և այս դեպքում հստակ է, որ այդ ուղղությամբ վերջին քայլերը՝ 15 ժամվա ընթացքում ում կողմից են արված, հետևաբար ես կրկնում եմ, որ ուզում եմ հավատալ այն հավաստիացմանը, որ բանակցությունները խզված չեն, եթե խզված չեն, կրկնում եմ, որ սրացման պետք չէ գնալ։
Հեռախոսակապը այժմ վերահաստատված չէ, ես սպասում եմ տղաների հեռախոսային կապը հաստատվի և բնականաբար առանց այդ կապի ես հեռախոսով չեմ ստանալու այդ պատասխանը, ես պահանջում եմ, որ այդ հեռախոսակապը լինի»,-ասել է Ալեք Ենիգոմշյանը։
Հիշեցնենք, որ ավելի վաղ Ալեք Ենիգոմշյանը հայտարարել էր, թե երեկ հանդիպել է և Սեֆիլյանին, և «Սասնա Ծռեր» խմբին և ԱԱԾ պատասխանատուներին։
«Ես փոխանցել եմ ԱԱԾ-ի պահանջը Սասնա Ծռեր խմբին։ Այս պահին դեռևս բոլոր քայլերը ցույց են տալիս, որ իրենք բոլոր բանակցությունները խզում են, բայց դեռ մի փոքր հույսի նշույլ կա, որ դա այդպես չէ, մինչև 100 տոկոս ես վստահ կլինեմ, այնուամենայնիվ, ես փոխանցել եմ այդ առաջարկ-պահանջարկը, և այդ տղաները ասել են, որ իրենք դրա պատասխանը կտան այսօր ժամը 19:00-ին, այդ պատասխանը պետք է տային ինձ, որ ես փոխանցեի պատկան մարմիններին։
Եվ այս քայլերը, որ երեկ ուշ երեկոյան սկսվել է, և հեռախոսակապի ընդհատումը, ես պետք է հեռախոսով՝ որպես բանակցող կողմ, պետք է հաղորդակցության կապ ունեն այնտեղ գտնվող տղաների հետ, կապը խզելով՝ իրենք արդեն այդ հնարավորությունից ինձ և տղաներին զրկում են։ Կապը խզելով՝ նրանք նաև խզում են ժամը 19:00-ին իմ պատասխանը ստանալու և իրենց փոխանցելու հնարավորությունը, դրա համար ես ասում եմ, որ այս քայլերը գնում են բանակցությունները խզելու ուղղությամբ, չեմ ասում՝ խզզված են, ես դեռ կես ժամ ժամանակ եմ տալիս իշխանություններին՝ պարզելու՝ բանակցությունները խզված են, թե ոչ: Եթե պատասխան չստանամ, դա կնշանակի, որ բանակցությունները խզել են իշխանությունները»:
Նյութի աղբյուրը ` hraparak.am
