Սեքսուալ խաղեր մեծերի համար...երբ գլխակորույս տրվում ես կրքերին.. 21 + ՏԵՍԱՆՅՈՒԹ
ԱՄԵՆԱԸՆԹԵՐՑՎԱԾ
Մարդիկ մեծանում են, բայց չեն հրաժարվում խաղերից: Խոսքը ‹‹մեծական›› խաղերի մասին է: Ժամանակի ընթացքում սեքսը գուցե դառնա ձանձրալի, նույնիսկ եթե սերը չի մարել: Իսկ տղամարդու կյանքում սեքսը, թերևս, ոչ գլխավոր, բայց հիմնական տեղերից մեկն է զբաղեցնում: Տղամարդու համար ոչ միայն կարևոր է սեքսի քանակը, այլև որակը, զանազանությունը, կիրքը, անակնկալները: Խելացի կանայք այս խնդրի լուծումը գտել են. նրանք միևնույն ‹‹ուտեստը›› մատուցում են տարատեսակ համեմունքներով և ջերմաստիճանով: Ահա այստեղ օգնության է հասնում հարուստ երևակայությունը, որը կիրառվում է սեքսուալ խաղերում:
Բուժքույր և հիվանդ
Վերադարձեք մանկություն եւ հիշեք ‹‹բժիշկ-բժիշկ›› խաղը: Տղամարդը հանդես է գալիս հիվանդի դերում, կինը՝ բուժքրոջ: Կերպարը ստանալու համար պետք է հագնել սպիտակ խալաթ, երկար զուգագուլպաներ, սպիտակ գլխարկ` կարմիր խաչով, և ունենալ բժշկական մի քանի պարագա: Հիվանդին ընդունեք սիրով, լսեք սրտի աշխատանքը, չափեք ճնշումը, ստուգեք որոշ օրգանների աշխատանքը, կամակորության դեպքում սպառնացեք ներարկում կատարել: Հոգատար մերսումներն ու նրան բուժելու ցանկությունը ցույց կտան հետագա զարգացումները:
Տնօրեն և քարտուղարուհի
Սա ամենագրգռիչ խաղերից մեկն է հատկապես տղամարդկանց համար: Խիստ դասական ոճով հագնված տղամարդը գերզբաղված է աշխատանքով, երբ ներս է մտնում քարտուղարուհին` կարճ կիսաշրջազգեստով, թղթապանակը ձեռքին: Տնօրենի մտքով ամեն ինչ կարող է անցնել: Օրինակ, նա կցանկանա քարտուղարուհուն նստեցնել իր գիրկը` նոր պայմանագրի մանրամասները քննարկելու… Երբ զգացմունքներն այլևս անկառավարելի են դառնում, տնօրենի սեղանին էլ կարելի է իրականացնել ամենը:
Հանցագործ և ոստիկան
Այս տարբերակն ընտրելիս պատրաստ եղեք կոպիտ շոյանքներին: Կիսամութ սենյակում հանցագործ տղամարդը նստած է շղթայված ձեռքերով: Ոստիկանը սկսում է նյարդայնացնել նրան և կեղտոտ մեկնաբանություններ անել նրա հասցեին, հետո հանդգնորեն նստում է գիրկն ու սկսում շոյանքները` վստահ լինելով, որ անպատիժ է մնալու: Հանցագործն աննկատ վերցնում է բանալին, քանդում շղթան ու ‹‹պատժում›› ոստիկանին:
Նկարիչ և բնորդուհի
Ստեղծեք արվեստով լի միջավայր` երաժշտություն, կտավ, ներկեր: Բնորդուհին կիսամերկ է, և նրանք զրուցում են: Նկարիչը սկսում է գովերգել բնորդուհու բարեմասնություններն ու առաջարկում հենց մարմնի վրա ստեղծել կտավը: Կինը սիրով համաձայնում է, իսկ նկարիչը վրձնով ներկում նրա մարմնի որոշ հատվածներ, ապա վրձինը փոխարինում մատներով: Զգացմունքային սեքսի շարունակությունը կարող է տեղափոխվել լոգարան:
Դասախոս և ուսանողուհի
Սա ամենատարածված դերային խաղերից է, որը կարելի է նաև հակառակ տարբերակով խաղալ: Դասախոսը պահանջում է հարցի լիարժեք պատասխան, սակայն ուսանողուհին երկիմաստ պատասխանների է դիմում` բորբոքելով վերջինիս երևակայությունը: Հատուկ հագուստ չի պահանջվում, սակայն ցուցափայտը, գրատախտակը տեղին կլինեն միջավայր ստեղծելու համար: Բացի այդ, ցուցափայտը կարող է այլ նպատակներով էլ օգտագործվել:
SPA սրահ
Կիսամութ սենյակ, մոմեր, հոտավետ խեժեր և ռոմանտիկ երաժշտություն:
ձեր ընտրյալը պատրաստ սպասում է մերսողին՝ ձեզ, իսկ դուք ներս եք մնում թեթև խալաթով ու բացատրում, որ սրահը անակնկալ է պատրաստել հավատարիմ հաճախորդին, և մերսումը խելահեղ է լինելու, խոսքը կրծքերով մերսման մասին է, որի տարբերակներն, ի դեպ, կարող եք գտնել համացանցում: Այս խաղը հարմար է հատկապես զգացմունքային մարդկանց: Նախերգանքը պետք է երկար լինի` համբույրներով, շոյանքներով, մերսմամբ, իսկ ավարտին, իհարկե, փառահեղ սեքս:
Տանտեր և մաքրուհի
Մաքրուհու կերպար ստանալը հեշտ է ու շատ սեքսուալ: Նա տնային գործերն այնպես զգացմունքային է անում, որ գրավում է տանտիրոջ ուշադրությունը: Բծախնդիր տղամարդը պահանջում է մաքրել նաև կահույքի վերին հատվածում դրված ծաղկամանները: Մինչ մաքրուհին գործ կանի, տանտերը կսկսի համբույրներով պատել նրա կիսամերկ ոտքերը: Այս տարբերակը լավ է այնքանով, որ հնարավոր է սեքսով զբաղվել տան յուրաքանչյուր անկյունում:
Խաղի կանոնները. Մինչ խաղին անցնելը սցենարի հիմնական կառուցվածքը քննարկեք զուգընկերոջ հետ, մանրամասները թողեք երևակայությանը. հաճելի անակնկալները նույնպես տեղին են:
Շատ կարևոր են նաև հագուստն ու աքսեսուարները: Միշտ պատրաստ եղեք նախաձեռնել կամ արագ արձագանքել սիրելիի նախաձեռնությանը: Օգնեք զուգընկերոջը կերպար մարմնավորելու հարցում, հաղթահարեք բարդույթները: Խաղն արագ մի՛ ավարտեք, վայելեք ընթացքը, որը միշտ հետաքրքիր է, ստեղծագործ ու ազատ եղեք: Դերային խաղերում կարևոր է չափի զգացողությունը. ցավը պետք է լինի մեղմ, իսկ սերն ու քնքշանքը` շատ: Խաղից հետո կարող եք քննարկել մանրամասները, դա կօգնի հաջորդ անգամ այն ավելի հաճելի դարձնել:
