Աշխարհի 8 ամենատարօրինակ դպրոցները
ՖՈՏՈ
Դպրոց ասելով՝ մենք հասկանում ենք սովորակալ դասարաններ, գրատախտակներ, ուսուցիչներ, դպրոցական պայուսակներով աշակերտներ, ովքեր սովորում են բոլորիս հայտնի ու տարածված առարկաները։ Սակայն, ինչպես պարզվում է, աշխարհի ոչ բոլոր դպրոցներն են համապատասխանում մեր այդ դասական պատկերացումներին։ Ներկայացնում ենք 8 արտասովոր դպրոց, որոնք կարծես ֆիլմերից լինեն, սակայն իրականում գոյություն ունեն։
Կախարդության մոխրագույն դպրոց
Կախարդության առաջին դպրոցը ֆինանսական ու կրոնական շահեր չհետապնդող հաստատություն է Կալիֆոռնիայում։
Անտառ-մանկապարտեզ
Այս դպրոցն իրականում տարօրինակ չէ, այն պարզապես հիանալի է։ Առաջին անգամ այն հիմնադրվել է Գերմանիայում՝ Waldkindergartens անունով, իսկ հիմա տարածվել է Ամերիկայի ամբողջ տարածքով։ Փոքրիկ երեխաները սովորական դասարանների փոխարեն սովորում են բնության գրկում։
Բանգլադեշի նավակների դպրոց
Տարվա մեջ երկու անգամ Բանգլադեշում ջրհեղեղ է լինում, ու շատ մարդիկ մնում են առանց կյանքի տարրական անհրաժեշտությունների, դպրոց գնալն էլ անհնար է դառնում։ Բարեբախտաբար, կա մի շահույթ չհետապնդող հաստատություն՝ Shidhulai Swanirvar անունով, որը կառուցում է առողջապահական կենտրոններ, տներ ու դպրոցներ։ Նավակների դպրոցներն ունեն փոքրիկ գրադարան, ինտերնետ կապ ու առնվազն մեկ լափթոփ։ Դպրոցները հիմնադրվել են 2002 թվականին, ու այդ ժամանակվանից շուրջ 70.000 երեխա դարձել է դպրոցի աշակերտ։
Trabajo Ya!
Իսպանիայում մարմնավաճառությունն օրինական է. նույնիսկ դպրոց կա դրա համար։ Այն կոչվում է Trabajo Ya! ու գտնվում է Վալենսիայում։ Դպրոցը բացվել է 2012 թվականի մայիսին։
Գլադիատորների դպրոց
Գլադիատորների դպրոցը գտնվում է Հռոմում։ Այն առաջարկում է 2-ժամյա դասընթացներ, որոնց ընթացքում կարելի է սովորել հռոմեական մարտարվեստի հիմունքները։
Էլֆերի դպրոց
Իսլանդիայում կա էլֆերի դպրոց։ Կարևոր է նշել, որ այստեղ բնակչության 54%-ը հավատում է, որ էլֆերն իրականում գոյություն ունեն։
Համբուրգերի համալսարան
Համբուրգերի համալսարանը, ցավոք, չի սովորեցնում ինչպես պատրաստել հիանալի համբուրգերներ, բայց այն սովորեցնում է McDonalds-ի մենեջմենթի հետ կապված բոլոր նրբությունները։ Համալսարանը հիմնադրվել է 1971 թվականին։ McDonalds-ի շուրջ 80,000 մենեջերներ ու օպերատորներ հենց այս համալսարանի շրջանավարտներ են։
Սանտա Կլաուսների դպրոց
Սանտա Կլաուսների ամենահին դպրոցը գտնվում է Միչիգանում, ու այն միակը չէ։ Այս տարի այն նշելու է իր 80-ամյակը։
