Քաղաքագետ. Մենք պետք է ուժ ցուցաբերենք, հակառակ դեպքում Ռուսաստանը կկորցնի իր վերջին դաշնակիցներին
ՔԱՂԱՔԱԿԱՆՈՒԹՅՈՒՆ
Ռուսաստանը կորցնում է իր դաշնակիցներին, երբ թույլ է տալիս Միացյալ Նահանգներին ճնշում գործադրել Կուբայի վրա կամ ճնշել անցանկալի այնպիսի առաջնորդներին, ինչպիսին է Վենեսուելայի նախագահ Նիկոլաս Մադուրոն։ Այս մասին «Կարմիր գիծ» հեռուստաալիքի եթերում հայտարարել է ռուս քաղաքագետ Լեոնիդ Դոբրոխոտովը, գրում է politnavigator.news–ը։
«Ես մեր երկրի պասիվությունը համարում եմ մեծ սխալ։ Նախ, որովհետև մենք կորցնում ենք մեր հեղինակությունը նրանց աչքում, ովքեր մեզ դաշնակիցներ են համարում։ Նրանք տեսնում են, որ մենք երկիր առ երկիր ենք հանձնվում առանց պայքարի, և, համապատասխանաբար, կորցնում ենք մեր՝ որպես դաշնակիցների, հանդեպ հավատը և սկսում են փնտրել այլ դաշինքներ, ինչը չափազանց վտանգավոր է մեզ համար։
Այսպիսով, մենք փաստացի ռիսկի ենք դիմում կորցնել մեր վերջին դաշնակիցներին։ Եվ մի մոռանանք, թե քանիսին ենք արդեն կորցրել։ Ի՞նչ է կատարվում Հայաստանում, ի՞նչ է կատարվում Ադրբեջանում։ Ի՜նչ բարդ արտակարգ իրավիճակ է Կենտրոնական Ասիայի հանրապետություններում, ընդ որում ամերիկացիները չափազանց ակտիվորեն տեղակայվել են բոլոր հանրապետություններում...
Ո՞վ ասաց, որ մենք պետք է կրճատենք մեր ակտիվությունը այնտեղ։ Ինչո՞ւ մենք դա չարեցինք 1962 թվականին, երբ մենք զգալիորեն թույլ էինք, բայց այնուամենայնիվ պաշտպանեցինք Կուբան։ Եվ դա հսկայական ազդեցություն ունեցավ քանի որ ամբողջ Ասիան, Աֆրիկան և Լատինական Ամերիկան սկսեցին կարծել, որ մենք ուժեղ երկիր ենք, որի վրա կարելի է հույս դնել։ Մեր աշխարհաքաղաքական ազդեցությունը այն ժամանակ հսկայական էր», - հայտարարել է Դոբրոխոտովը։
Նյութը հրապարակման պատրաստեց Կամո Խաչիկյանը
www.1or.am
