Թուրքերը անվանել են իրենց ընկերներին և թշնամիներին. թուրքական պետությունների կազմակերպությունից միայն Ադրբեջանն է հայտնվել ընկերների շրջանակում

Թուրքերը անվանել են իրենց ընկերներին և թշնամիներին: Թուրքական պետությունների կազմակերպությունից միայն Ադրբեջանն է հայտնվել ընկերների շրջանակում, գրում է EAdaily.com–ը։

EuroPoll սոցիոլոգիական գործակալությունը հարցում է անցկացրել Թուրքիայի քաղաքացիների շրջանում իրենց երկրի արտաքին քաղաքականության վերաբերյալ ընկալումների վերաբերյալ և արդյունքների հիման վրա կազմել է Թուրքիային ամենամոտ բարեկամ երկրների վարկանիշը։

Պարզվել է, որ թուրքերը Ադրբեջանն են համարում իրենց ամենամոտ բարեկամը։ Հարցվածների 94.2%-ն է այն անվանել  այդպիսին։ Վարկանիշում Ադրբեջանին հաջորդում են Հարավային Կորեան (90%), Ճապոնիան (89.4%), Իտալիան (70.7%) և Ռուսաստանը (62.1%)։ Չինաստանը համարվել է բարեկամ հարցվածների կեսից ավելի կողմից (57.4%), որին հաջորդել են Ուկրաինան (55.2%) և Գերմանիան (51.9%)։

Ինչպես և սպասվում էր, Հայաստանը (3.3%) Թուրքիային ամենաքիչ բարեկամ երկիրն էր։ Հետաքրքիր է այն, որ Ադրբեջանից բացի, Թուրքական պետությունների կազմակերպության ոչ մի երկիր չի ընդգրկվել Թուրքիայի ամենամոտ բարեկամների շարքում։ Դա ենթադրում է, որ թյուրքական միասնության և «Մեծ Թուրանի» թեման ընդամենը Էրդողանի ծավալապաշտական ​​արտաքին քաղաքականության քողարկումն է։

Նյութը հրապարակման պատրաստեց Կամո Խաչիկյանը

www.1or.am