Պրիանկա Չոպրայի գեղեցկության գաղտնիքները

Հավանաբար բոլորն էլ լսեն են հնդիկ դերասանուհի Պրիանկա Չոպրայի մասին: Այս կինը հանդիսանում է գեղեցկության էտալոն ոչ միայն Բոլիվուդի, այլ նաև ողջ աշխարհի համար: 2000 թվականին նա դարձել է «Միսս աշխարհ»: Աշխատանքի 15 տարիների ընթացքում Պրիանկան մշակել է խնամքի իր ուրույն միջոցները:

Պրիանկան համարում է, որ մազերը և մաշկը ունենք հատուկ պաշտպանության կարիք։ Գեղեցկության և երիտասարդության պահպանման համար գեղեցկուհին իր մաշկը խնամում է բնական միջոցներով: Այսպիսով ձեզ ենք ներկայացնում դրանցից մի քանիսը:

Մազերի խնամքի համար գեղեցկուհին օգտագործում է յուղեր: Իսկ մաշկի խոնավեցման համար նա օգտագործում է մածունից և կիտրոնից պատրաստված դիմակներ:

Մազերի դիմակի պատրաստման համար անհրաժեշտ է՝

250 մլ ջուր

1 ճաշի գդալ ձիթապտուղի յուղ

1 ճաշի գդալ ժոժոբայի յուղ

Օգտագործման եղանակը

1. Դիմակը քսելուց առաջ անհրաժեշտ է մանրակրկիտ լվանալ գլուխը:

2. Այժմ տարայի մեջ լցրեք 250 մլ ջուր և տաքացրեք այն թույլ կրակի վրա:

3. Մեկ այլ տարայի մեջ խառնեք յուղերը և տարայով դրեք ջրի մեջ:

4. Ուշադրություն. թույլ մի տվեք, որ յուղը չափից ավելի տաքանա:

5. Թրջեք մազերը և յուղը քսեք մազերի երկայնքով:

6. Հագեք պոլիէթիլենային տոպրակ և փաթաթեք գլուխը սրբիչով:

7. Սպասեք 20 րոպե և լվացեք գլուխը:

Այս միջոցը պետք է անել շաբաթեկան մեկ անգամ, այն կհաղորդի ձեր մազերին փայլ և ամրություն:

Դեմքի խնամք

Պատրաստման համար անհրաժեշտ է՝

1 ճաշի գդալ բնական մածուն

1 ճաշի գդալ կիտրոնի հյութ

Խառնեք մածունը և կիտրոնի հյութը: Քսեք դիմակը երեսին, խուսափեք աչքերի շրջանում քսելուց: Թողեք դիմակը 15-20 րոպե: Այնուհետև լվացվեք, ամենից լավ տարբերակը երիցուկի թուրմով լվանալն է:

Այս դիմակը պետք չէ անել տնից դուրս գալուց առաջ, քանի որ այն կարող է առաջացնել մի փոքր կարմրություն: Ամենից լավը դիմակը   քնելուց առաջ անելն է, որպեսզի գիշերը երեսի մաշկը հանգստանա: