Եթե Փաշինյանը հաջողության հասնի, Բաքվի և Անկարայի դիրքերն ակնհայտորեն կամրապնդվեն. «Փաստ»

«Փաստ» օրաթերթը գրում է.

iz.ru-ն «Քաղաքագետը գնահատել է Հայաստանում իշխանությունների և եկեղեցու միջև պայքարը» վերնագրով հոդվածում գրում է, որ Հայաստանի աշխարհիկ իշխանությունները մեծացրել են ճնշումը Հայ առաքելական եկեղեցու (ՀԱԵ) վրա, և կրոնական կառույցի ներսում կուտակված հակասությունները սկսել են ջրի երես դուրս գալ։ Այս մասին iz.ru-ին տված հարցազրույցում հայտարարել է քաղաքագետ Հրանտ Միքայել յանը։

«Պետք է նշեմ, որ ներկայիս վեճն ունի աշխարհաքաղաքական չափում։ Իշխանությունները ցանկանում են ցանկացած գնով հաշտություն կնքել Ադրբեջանի և Թուրքիայի հետ, մինչդեռ ՀԱԵ-ն մեղադրվում է ռուսամետ լինելու մեջ։ Հետևաբար, եթե Փաշինյանը հաջողության հասնի, Բաքվի և Անկարայի դիրքերը Անդրկովկասում ակնհայտորեն կամրապնդվեն», - բացատրել է Հրանտ Միքայել յանը։

Մասնագետը հավելել է, որ ՀԱԵ-ի ղեկավար, Ամենայն հայոց կաթողիկոս Գարեգին Բ-ն բազմիցս է հայտարարել, որ ոչ մի պարագայում կամավոր հրաժարական չի տա։ Միքայել յանի խոսքով, նման պայմաններում իշխանությունները կարող են դիմել եկեղեցական անօրինական հեղաշրջման, այսինքն՝ Եկեղեցու ղեկավարի ձերբակալմանը կամ Էջմիածնի նստավայրից նրա բռնի վտարմանը։

Ավելի վաղ՝ նոյեմբերի վերջին, Նիկոլ Փաշինյանը հանդիպել էր Հայ առաքելական եկեղեցու մի քանի եպիսկոպոսների և արքեպիսկոպոսների հետ։ Եկեղեցու առաջնորդների մի խումբ նույնպես հայտարարություն էր տարածել՝ կոչ անելով Գարեգին Բ-ին հրաժարական տալ: 2025 թվականի ամռանը Նիկոլ Փաշինյանը նմանատիպ հայտարարություն էր արել՝ կոչ անելով նախապատրաստվել հոգևոր առաջնորդին Էջմիածնի իր նստավայրից վտարելուն:

Մանրամասները՝ «Փաստ» օրաթերթի այսօրվա համարում