Ինչու է հարկավոր հավկիթը խաշելիս կերակրի սոդա ավելացնել

Շատերն են նկատել, որ 7-10 օրվա հավկիթը շատ ավելի հարմար է սննդի մեջ օգտագործելու համար և ավելի հեշտ է կեղևազրկվում, քան թարմ հավկիթը: Սա պայմանավորված է նրանով, որ հին հավկիթն ունի ավելի բարձր հիմնայնություն, ուստի ավելի հեշտ է կեղևազրկվում, մինչդեռ թարմ հավկիթի հիմնայնությունը շատ ավելի ցածր է և դրանք կեղևազրկելն ավելի դժվար է լինում:

Սակայն գոյություն ունի մի պարզ հնարք, որը կօգնի նույնքան հեշտությամբ կեղևազրկել նաև թարմ հավկիթները: Պարզապես հարկավոր է ձուն խաշելիս ջրին մեկ թեյի գդալ կերակրի սոդա ավելացնել, որը կբարձրացնի հավկիթների հիմնայնությունը և թույլ կտա ավելի հեշտ կեղևազրկել:

Բացի այդ, կա ևս մի պարզ հնարք, որի միջոցով կարելի է ստուգել հավկիթի թարմությունը: Անհրաժեշտ է դրանք դնել ջրի մեջ և հետևել: Եթե հավկիթը հորիզոնական դիրքով է իջնում ջրի հատակը, ապա այն շատ թարմ է, եթե ուղղահայաց դիրքով, ապա դա լավագույն տարբերակն է սնունդ պատրաստելու համար, իսկ ջրի մակերևույթին «լողացող» հավկիթը շատ հին է և օգտագործման պիտանի չէ:

Բացի այդ, հարկ է հիշել, որ մինչ տաք ջրի մեջ ընկղմելը հավկիթը հարկավոր է մի փոքր տաքացնել (թողնել սնեյակային ջերմաստիճանում կամ դնել հոսող գոլ ջրի տակ), այլապես եփելիս այն կճաքի:

Պինդ խաշած ձու պատրաստելու համար այն հարկավոր է դնել սառը ջրով լի կաթսայի մեջ, այնուհետև այդ կաթսան դնել կրակին և եռացնել: Այս դեպքում քիչ հավանական է, որ ձուն կճաքի:

Նուրբ դեղնուցով խաշած ձու պատրաստելու համար անհրաժեշտ է հում ձուն գդալի միջոցով ընկղմել տաք ջրի մեջ և պահել մոտ 3 րոպե: Հարկավոր է ուշադիր լինել և հավկիթն ամբողջությամբ ընկղմել ջրի մեջ, այլապես այն անհավասարաչափ կեփվի: Եռացնելուց հետո հավկիթը պետք է դնել սառը ջրի մեջ՝ այն հեշտ կեղևազրկելու համար:

Նյութի աղբյուրը՝ naturehealthandbeauty.com