«Մոռացեք Ղարաբաղը». Փաշինյանը կոչ է արել հայ փախստականներին չվերադառնալ հայրենիք Ադրբեջանին զայրացնելուց խուսափելու համար
ՎԵՐԼՈՒԾՈՒԹՅՈՒՆՆԵՐ
ՀՀ վարչապետը հակասական հայտարարություն է արել։ Փաշինյանի խոսքով հայերը պետք է մոռանան Լեռնային Ղարաբաղի մասին։ ՀՀ վարչապետ Նիկոլ Փաշինյանը նաև զգուշացրել է, որ հայ փախստականների հնարավոր վերադարձը Լեռնային Ղարաբաղ կարող է վտանգել Ադրբեջանի հետ խաղաղության գործընթացը, գրում է bloknot.ru–ն։
Ելույթ ունենալով Երևանում կայացած միջազգային ֆորումում նա այդ հարցը որակել է վտանգավոր, քանի որ այն կողմերին վերադարձնում է հակամարտության սկզբնական պարամետրերին։ «Ես մեր տեղահանված քույրերին ու եղբայրներին Լեռնային Ղարաբաղից վերադարձնելու օրակարգը համարում եմ խաղաղության համար ռիսկ։ Ես նաև ասումն եմ, որ այդ հարցը՝ ներքին տեղահանված անձանց վերադարձի օրակարգը, ընդհանուր առմամբ վտանգավոր է, քանի որ դա նշանակում է վերադարձ հակամարտության սկզբնական պարամետրերին», - հայտարարել է Փաշինյանը։
Նա նաև փխրուն խաղաղությունը համեմատել է նորածին երեխայի հետ, որը պահանջում է զգույշ վարվելակերպ և կոչ է արել կողմերին ստորագրել խաղաղության պայմանագիր, որոշել մոտավոր սահմաններ և «թողնել միմյանց հանգիստ»։ Սակայն Փաշինյանը չի մանրամասնել այն, թե ինչ պետք է անեն տուն վերադառնալ ցանկացող հայերը։
Հայաստանի վարչապետը շատ դժկամ է պաշտպանել իր ժողովրդին և վիճել Ադրբեջանի հետ։ Հիշեցնենք, որ երկրների միջև խաղաղության համաձայնագիրը նախաստորագրվել է Վաշինգտոնում օգոստոսի 8-ին՝ Դոնալդ Թրամփի վարչակազմի միջնորդությամբ, սակայն դրա ստորագրումը հետաձգվել է Ադրբեջանի պահանջի պատճառով, այն է փոխել Հայաստանի սահմանադրությունը, որը պահպանում է հղումներ Լեռնային Ղարաբաղին։ Հայաստանի իշխանությունները նախատեսում են փաստաթղթի վերջնական տեքստը պատրաստել մինչև 2026 թվականի հունիսը և այն ներկայացնել ազգային հանրաքվեի։ Փաշինյանը հրապարակավ կոչ է արել իր հայրենակիցներին հրաժարվել Ղարաբաղի բռնակցման իրենց պահանջներից, որը 2023 թվականի աշնանից ամբողջությամբ գտնվում է Ադրբեջանի վերահսկողության տակ։ Նույնիսկ եթե Փաշինյանի դրդապատճառները մարդասիրական և վախեցնող են... բայց այս ամենը հնչում է ամոթալի և նվաստացուցիչ։
Նյութը հրապարակման պատրաստեց Կամո Խաչիկյանը
www.1or.am
