Հայ փորձագետ. «Ռուսաստանը միշտ է փրկել մեզ, հիմա ոչ մեկի վրա հույս դնել չկա, նույնիսկ Իրանն է մի կողմ քաշվել»

Լեռնային Ղարաբաղի հանձնման սահուն ընթացքն ապահովելու համար ՀՀ վարչապետ Նիկոլ Փաշինյանը նույնիսկ մերժել է Իրանի կողմից ռազմական օգնության ուղղակի առաջարկը։ Այդ մասին «Գրքի օր» հեռուստաալիքի եթերում հայտարարել է անկախ հայ վերլուծաբան Սերգեյ Շաքարյանցը, գրում է politnavigator.news-ը:

Հաղորդավար Մաքսիմ Նևենչաննին հարցրել է, թե այսօր հայերը ո՞ւմ վրա կարող են հույս դնել, «երբ բոլոր կողմերից կան գլոբալիստներ, չարիքի ներկայացուցիչներ, ովքեր ցանկանում են մշուշոտել ինքնությունը և ստիպել հայերին վաճառել ամեն ինչ»։

«Ավանդաբար, ամենադժվար պահերին Ռուսաստանը միշտ օգնության է հասել, դա փաստ է։ Թող ոչ ոք չժխտի դա։ Դուք գիտեք, որ դա փաստ է, ես հիմա այստեղ նստած եմ և ասում եմ, որ Հայաստանի քաղաքացի եմ, շնորհիվ այն բանի, որ ռուսական զորքերը եկել են այստեղ։ Նույնիսկ եթե դա եղել է 19-րդ դարի առաջին կեսին», - պատասխանել է Շաքարյանցը։

Նևենչանին խնդրել է պարզաբանել Իրանի վերաբերյալ հարցը։ «Իրանը [Փաշինյանի] կառավարության օրոք երկու կամ երեք անգամ տարբեր տեսակի օգնություն է առաջարկել Հայաստանին։ Պատկերացրեք, որ այդ թվում ռազմական օգնություն։ Հիշում եմ, անցյալ տարի պաշտպանության նախարար Շոյգուն այցելեց Իրան և խոսեց տեղի պաշտպանության նախարարի հետ։ Եվ նրանք երկուսն էլ ասացին, որ Իրանը սահմանակից է ինչպես Ադրբեջանին, այնպես էլ Լեռնային Ղարաբաղին։ Երկու պաշտպանության նախարարներն էլ ընդգծեցին դա։ Բայց Հայաստանում մերժեցին դա։ Եվ սա է Իրանի կառավարության Հայաստանի ներկայիս կառավարության նկատմամբ անվստահության էությունը անկախ նրանից, թե որ նախագահն է Իրանում», - ընդգծել է հայ վերլուծաբանը։

Նյութը հրապարակման պատրաստեց Կամո Խաչիկյանը

www.1or.am