Իրանական արտահանման ավելացումը կիջեցնի նավթի գները Եվրոպայում

Իրանից նավթի արտահանման լրացուցիչ ծավալները նվազեցնող ազդեցություն կունենան «սեւ ոսկու» գների վրա եվրոպական շուկայում: Այս մասին ասված է ESAI Energy ամերիկյան հետազոտական ընկերության զեկույցում, հայտնում է Թրենդը:

«Նավթի շուկայում վերակնգնվող Իրանը նպատակ ունի հետ վերադարձնել եվրոպական շուկայի իր մասնաբաժինը, և այդ ուղղությամբ արտահանումը նվազեցնող ազդեցություն կունենան «սեւ ոսկու» գների վրա», - ասված է զեկույցում: Արդյունքում, ինչպես նշում են ESAI Energy-ի փորձագետները, Իրանը դուրս կմղի եվրոպական շուկաներից Ռուսաստանի և այլ արտահանողների չափաբաժինների մի մասը: Զեկույցում նաև նշվում է, որ 2016 թվականին Եվրամիության 16 երկրներում նավթի պահանջարկ անցյալ տարվա ծավալաների հետ համեմատած ը փոփոխություն չի կրի ՝ օրական ութ միլիոն բարել նավթ:

Ավելի վաղ Իրանի նավթի նախարար Բիժան Նամդար Զանգանեն հայտարարել էր, որ Իսլամական Հանրապետությունից նավթի և գազի կոնդենսատի արտահանման ծավալներն իրենց մաքսիմումին կհասնեն մյուս տարի (Իրանի նոր տարի սկսում է 2016 թ-ի մարտի 20-ին): Նրա խոսքով, տարեսկզբից Իրանն ավելացրել է նավթի արտահանման ծավալները օրական 300 հազար բարելով:

Հիշեցնենք, որ Իրանը արևմտյան պատժամիջոցների չեղարկումից հետո հայտարարել էր, որ նպատակ ունի հասցնել նավթի արդյունահանումը օրական մինչև չորս միլիոն բարելի: Մինչ պատժամիջոցների չեղարկումը Իրանը կարող էր արտահանել օրական միայն մեկ միլիոն բարել նավթ: Ըստ ՕՊԵԿ-ի տվյալների, Իրանում այս տարվա փետրվարին նավթի արդյունահանումը հասել է օրական 3,13 մլն բարելի՝ ավելանալով 187,8 հազար բարելով, ինչը ռեկորդային ցուցանիշ է տարածաշրջանի համար: