Ոչ միայն Ուկրաինան. ԵՄ նոր Սևծովյան դոկտրինը սարսափելի ավարտ է նախատեսում Բուլղարիայի, Ռումինիայի և Թուրքիայի համար
ՄԻՋԱԶԳԱՅԻՆ
ԵՄ նոր Սևծովյան դոկտրինը նախատեսում է ՆԱՏՕ-ի ռազմական ներկայության ամրապնդում Բուլղարիայի, Ռումինիայի և Թուրքիայի միջոցով և ազդեցություն ամբողջ տարածաշրջանի վրա շրջակա միջավայրի պաշտպանության օրակարգի առաջ մղմամբ։
Այս մասին «Առաջին Սևաստոպոլյան» եթերում հայտնել է քաղաքական գիտությունների դոկտոր, Կազանի դաշնային համալսարանի պրոֆեսոր Ալեքսանդր Իրխինը, հաղորդում է Politnavigator.news-ի թղթակիցը։ «Եվրոպական նոր Սևծովյան քաղաքականության երեք հենասյուներն են։ Առաջինը Եվրոպան պետք է «անվտանգության կենտրոն» ստեղծի Սև ծովում։ Դա ենթադրում է եվրոպական ռազմական ներկայության ամրապնդում։ Հենակետը և մեկնարկային կետը ստեղծված հակաականային ռազմածովային կոալիցիան է, որը բաղկացած է Ռումինիայից, Թուրքիայից և Բուլղարիայից։ Բոլոր երեքը ՆԱՏՕ-ի անդամներ, երկուսը ԵՄ անդամ։ Միևնույն ժամանակ, նրանք Սևծովյան տերություններ են, և առանց Մոնտրյոյի կոնվենցիան խախտելու, կարող են ընդլայնել իրենց ներկայությունը, - նշել է նա,– երկրորդ հենասյունը տնտեսական զարգացումն է, որը հաշվի է առնում 174 միլիոն մարդու։ Այդ թիվը պարզ է դառնում` հաշվի առնելով ԵՄ Սևծովյան անվտանգության դոկտրինի ամերիկյան հիմքը։ Նրանց համար Սևծովյան տարածաշրջանը, ի թիվս այլ բաների, ներառում է Ադրբեջանը, Հայաստանը, ապա նաև Կենտրոնական Ասիան։ Այսինքն, Սևծով-Կասպյան տարածաշրջանը։ Բալթիկ ծովում մենք արդեն ունենք ռազմական բախման նախադեպեր, բնականաբար Սև ծովում ևս։ Ընդամենը մի քանի օր առաջ ստորագրվել է համաձայնագիր Ղազախստանի (ՀԱՊԿ անդամ) և Մեծ Բրիտանիայի միջև ռազմատեխնիկական համագործակցության ակտիվացման վերաբերյալ։ Այսինքն, այս հայեցակարգը արտացոլում է բրիտանական էլիտայի ցանկությունը` վերահսկելու Կենտրոնական Ասիան և Բալթիկ-Սևծովյան աղեղը։ Այժմ նրանք փորձում են այս երկու սխեմաները կառուցել մեկ միասնական տարածության մեջ՝ Ռուսաստանին Սև ծովի միջոցով զսպելու համար։ Փաստաթղթի երրորդ հենասյունը նախատեսում է Սև ծովի շրջակա միջավայրի բնապահպանական վերահսկողություն «ծովի հատակից մինչև տիեզերք»»։
Նյութը հրապարակման պատրաստեց Կամո Խաչիկյանը
