Ինչպես ճիշտ լվանալ ու խնամել վարսերը. խորհուրդներ մասնագետներից
ՖՈՏՈ
Տնային պայմաններում վարսերի ստանդարտ խնամքն իրականացնելու համար հարկավոր է նախ մաքրել վարսերը շամպունով (ամեն օր կամ շաբաթական մի քանի անգամ), այուհետև օգտագործել վարսերի կոնդիցիոները, որից հետո՝ չլվացվող խնամքի միջոցը: Բացի այդ, շաբաթական 1-2 անգամ հարկավոր է նաև մազերի դիմակ օգտագործել:
Սակայն ոչ բոլորն են ճիշտ խնամում իրենց վարսերը: Հաճախ մարդիկ խնամքի սխալ միջոցներ են ընտրում կամ սխալ հերթականությամբ են դրանք օգտագործում: Ձեր ուշադրությանն ենք ներկայացնում, թե ինչպես է հարկավոր մազերը ճիշտ խնամել:
Խնամքի ճիշտ միջոցներ
Գոյություն ունի տնային պայմաններում մազերի խնամքի միջոցների 4 տեսակ՝ շամպուն, կոնդիցիոներ, դիմակ և չլվացվող խնամքի միջոց, որոնք միաժամանակ օգտագործվում են միայն խիստ վնասված վարսերի դեպքում: Այդ դեպքում միջոցների օգտագործման հերթականությունը հետևյալն է՝ շամպուն, դիմակ, կոնդիցիոներ կամ չլվացվող խնամքի միջոց: Առողջ վարսերի դեպքում բավական է մաքրելու համար օգտագործել շամպուն, իսկ հարթության համար՝ կոնդիցիոները, հակառակ դեպքում «գերսնուցված» վարսերը կկորցնեն իրենց փարթամությունն ու փայլը:
2 թեյի գդալ շամպուն
Հարկավոր է հիշել, որ միջին երկարության վարսերի համար բավական է ընդամենը 2 թեյի գդալ շամպուն օգտագործել: Վարսերն ամեն օր լվանալու և հարդարման միջոցներ չօգտագործելու դեպքում մեկ անգամ շամպունով լվանալը բավական կլինի, սակայն հակառակ դեպքում անհրաժեշտ է վարսերը շամպունով լվանալ երկու անգամ:
Մազերը լվանալուց առաջ հարկավոր է անպայման սանրել դրանք, քանի որ խոնավ մազերը շատ փխրուն են և կարող են հեշտությամբ խճճվել ու վնասվել: Շամպունը հարկավոր է նախ փրփրեցնել ձեռքերի մեջ, այնուհետև տարածել մազերի ամբողջ երկայնքով: Միայն արմատներին քսելու դեպքում վարսերն ամբողջությամբ չեն մաքրվի, ուստի նման խորհուրդներին պետք չէ հետևել: Շամպունը հարկավոր է անմիջոպես լվանալ մեծ քանակությամբ մաքուր ջրով:
Կոնդիցիոներն ու բալզամը գրեթե նույնն են
Այս երկու միջոցներն իսկապես նման են: Դրանք մազերը դարձնում են ավելի հարթ, խոնավեցնում են, օգնում են հեշտ սանրել և պաշտպանում են վնասվածքներից: Սակայն ի տարբերությունը կոնդիցիոների՝ բալզամի բաղադրության մեջ կարող են լինել նաև հավելյալ սնուցող նյութեր:
Միջին երկարոթյան վարսերի համար բավական կլինի մեկ հունական ընկույզի չափ կոնդիցիոները: Այն հարկավոր է քսել մազերի ամբողջ երկայնքով, բացի արմատների հատվածից (առնվազն 2 սմ)՝ այլապես կարելի է մոռանալ փարթամության մասին: Բալզամը հարկավոր է տարածել սանրի կամ մատների օգնությամբ և լվանալ մեծ քանակությամբ ջրով: Այս միջոցը մազերի վրա երկար թողնելու անհրաժեշտություն չկա:
Դիմակը միայն վնասված վարսերի համար է
Մազերի դիմակները հարկավոր է օգտագործել միայն վնասված վարսերի դեպքում: Դիմակը պետք է քսել վարսերին՝ խուսափելով արմատների հատվածից, և թողնել 5-20 րոպե՝ կախված ցուցումներից: Քիմիական մշակում անցած վարսերի համար կարելի է օգտագործել ներկված ու վնասված վարսերի համար նախատեսված դիմակներ, իսկ մեխանիկական վնասվածքների դեպքում՝ դիմակներ նախատեսված չոր վարսերի համար:
Մարդիկ հաճախ կարծում են, որ դիմակներից հետո կոնդիցիոներ կարելի է չօգտագործել, սակայն սա սխալ կարծիք է: Դիմակը վերականգնում է վարսը ներսից, սակայն հարկավոր է ևս մի միջոց՝ դրա արտաքին մակերևույթը պաշտպանելու համար, ուստի մասնագետները խորհուրդ են տալիս նաև մի փոքր կոնդիցիեներ կամ բալզամ օգտագործել:
Չլվացվող խնամքի միջոցները պաշտպանում են մազերը
Այս միջոցները հարկավոր են չներկված ու չհարդարված վարսերի համար, որոնց խնամքի համար կոնդիցիոներ չի օգտագործվում: Դրանք քսուքներն են, յուղերը, դիմակների որոշ տեսակները և առհասարակ բոլոր այն խնամքի միջոցները, որոնք մնում են վարսերի վրա, մինչև հաջորդ անգամ լվանալը: Այս միջոցները պաշտպանում են վարսերն արտաքին անբարենպաստ միջավայրից, քլորացված ջրից, աղտոտված մթնոլորտից և այլ վնասակար գործոններից: Չլվացվող խնամքի միջոցները հարկավոր է քսել սրբիչով մի փոքր չորացրած վարսերին: Դրանք հարկավոր է օգտագործել շատ քիչ քանակությամբ (կարճ մազերին՝ ոլոռի հատիկի չափ, իսկ երկար վարսերին՝ լոբու ոչ մեծ հատիկի չափ): Այս միջոցը նույնպես հարկավոր է քսել մազերի ամբողջ երկայքով՝ խուսափելով արմատներից: Այն անմիջապես ներծծվում է՝ պաշտպանելով վարսերը:
