Թուրքիան արձագանքել է. «1915 թվականը քաղաքական գործիք չէ»
ՔԱՂԱՔԱԿԱՆՈՒԹՅՈՒՆ
Անկարան քննադատել է օտարերկրյա քաղաքական գործիչների հայտարարությունները, որոնք պատմական տրավմաների հիման վրա հակամարտություններ են հրահրում, և կոչ է արել չմիջամտել Երևանի հետ հարաբերությունների կարգավորման գործընթացին, գրում է trt.global–ը:
Թուրքիայի արտաքին գործերի նախարարությունը հայտարարություն է տարածել ի պատասխան մի շարք օտարերկրյա պաշտոնյաների կողմից 1915 թվականի իրադարձությունների վերաբերյալ արված մեկնաբանությունների ընդգծելով, որ նման հայտարարությունները հակասում են ինչպես պատմական ճշմարտությանը, այնպես էլ միջազգային իրավունքին։
2025 թվականի ապրիլի 24-ի թիվ 91 հայտարարության մեջ Անկարան վճռականորեն մերժել է անցյալի ողբերգական իրադարձությունները քաղաքականացնելու փորձերը դրանք անվանելով «իրավական ուժից զուրկ» և ուղղված «ցավը քաղաքական նպատակներով շահագործելուն»։ Թուրքիան կրկին հիշեցրել է պատմական համատեղ հանձնաժողով ստեղծելու իր առաջարկը և այն, որ իր արխիվները բաց են օբյեկտիվ գիտական ուսումնասիրության համար։ «Մենք հետևողականորեն պաշտպանում ենք խաղաղությունը, երկխոսությունը, փոխըմբռնումը և ընդհանուր բարգավաճումը թե՛ տարածաշրջանային, թե՛ համաշխարհային մակարդակներում», - ընդգծել է Թուրքիայի արտաքին գործերի նախարարությունը։ Եզրափակելով Թուրքիան կոչ է արել միջազգային հանրությանը չխրախուսել արմատական շրջանակների գործողությունները, որոնք ձգտում են «պատմությունից դուրս մղել թշնամանքը» և վերահաստատել է իր կոչը աջակցել Հայաստանի հետ հարաբերությունների կարգավորման գործընթացին։
Նյութը հրապարակման պատրաստեց Կամո Խաչիկյանը
