Եվրամիությունը Փաշինյանից պահանջում է չգնալ Մոսկվա

Հայաստանում Եվրամիության պաշտոնական ներկայացուցիչ Վասիլիս Մարագոսն օրերս հանդիպում է ունեցել Նիկոլ Փաշինյանի ու արտգործնախարար Արարատ Միրզոյանի հետ։ Մեր տեղեկություններով, Մարագոսը հանձնարարություն է իջեցրել՝ մայիսի 9-ին չգնալ Մոսկվա, նշել, որ շքերթին մասնակցությունը համարվելու է թշնամական ակտ և Պուտինի PR:

Հիշեցնենք, օրեր առաջ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը մամուլի ասուլիսում հաստատել է, որ ԵՄ անդամ պետությունների կողմից թեկնածուներին տրված շատ հստակ հրահանգ կա՝ չմասնակցել մայիսի 9-ի շքերթին Մոսկվայում, չկատարել նման ուղևորություններ, քանի որ դա չի համապատասխանի ԵՄ արժեքներին։ ԵՄ անդամ պետություններից Սլովենիան և Սլովակիայի վարչապետ Ռոբերտ Ֆիցոն, կարծես, թքած ունեն այդպիսի զգուշացումների վրա, հայտարարել են, թե դա իրենց ներքին գործն է և ոչ ոք չի կարող իրենց թելադրել։ Արդյունքում, մնում է միայն Հայաստանը, որի վրա էլ պատում է ԵՄ պաշտոնյաների ուժը։

Այժմ Փաշինյանը փակուղում է հայտնվել, որովհետև բոլոր կողմերից աքցանի մեջ է։ ՔՊ-ում ասում են, որ Փաշինյանը հրահանգել է ռուսների հետ հարաբերությունները փչացնելու նոր օպերացիա իրականացնել մինչև մայիսի 9-ը, բանավեճ հրահրել, որից հետո էլ, ռուսական կողմին մեղադրելով, չգնա Մոսկվա։ Օրինակ, հիշեցնեն, որ պայմանական մարիազախարովաները կամ սոլովյովներն այսինչ բանն են ասել իրենց հասցեին և էսկալացիա բեմադրեն։

Մյուս կողմից էլ, Փաշինյանը մահու չափ վախենում է Վլադիմիր Պուտինի զայրույթից, հասկանում է, որ Մոսկվա այցը ծանր կարղ է լինել իր համար, ուստի ամեն գնով ցանկանում է չգնալ Ռուսաստան։ 

Մերի Ալեքսանյան