«Հայաստանը վիրավորել է Պուտինին ու հիմա փշերից կխեղդվի»
ՔԱՂԱՔԱԿԱՆՈՒԹՅՈՒՆ
Հայաստանի վարչապետ Նիկոլ Փաշինյանը վիրավորել է ՌԴ նախագահ Վլադիմիր Պուտինին փաստացի հայտարարելով նրան պերսոնա նոն գրատա։ Հրապարակախոս Ալեքսեյ Բելովը tsargrad.tv–ի հետ զրույցում բացատրել է, թե ինչպես պետք է Ռուսաստանն արձագանքի այդ սադրանքին: Խոսքը Փաշինյանի խոսքերի մասին է ԵԱՏՄ գագաթնաժողովին Պուտինի Երևան կատարելիք հնարավոր այցի մասին՝ Հայաստանի կողմից Հռոմի ստատուտի ընդունման համատեքստում։ Վերջինս պահանջում է ՌԴ նախագահի կալանավորումը Միջազգային քրեական դատարանի հրամանի հիման վրա։ «ԵԱՏՄ-ի ոչ բոլոր բարձրաստիճան ղեկավարներն են ողջունելի Հայաստանում»,- լրագրողներին ասել էր Հայաստանի վարչապետը։ Դրանից բխում է, որ Պուտինը Հայաստանում հայտարարվել է պերսոնա նոն գրատա։ Սա հայտնի դիվանագիտական տերմին է, որը լատիներենից բառացիորեն թարգմանվում է որպես «անցանկալի անձ»։ Հրապարակախոս Ալեքսեյ Բելովը հիշեցրել է նաև Նիկոլ Փաշինյանի մեկ այլ մեջբերում: Ահա թե ինչ է մտածում Հայաստանի վարչապետը ՀԱՊԿ-ին երկրի մասնակցության մասին. «Հայաստանն իրեն համարում է ՀԱՊԿ-ից դուրս, վերադարձ կազմակերպություն այլևս հնարավոր չէ, անվերադարձելիության կետը հատված է»։ Այսպիսով, կարելի է եզրակացնել, որ Հայաստանի ներկայիս իշխանություններն ակնհայտորեն հակված չեն ինտեգրվելու նախկին ԽՍՀՄ տարածքին։ Եվ սա առաջին անգամը չէ, որ տեղի է ունենում։ Երբ 1991 թվականի մարտին ԽՍՀՄ-ում անցկացվեց Խորհրդային Միության պահպանման առաջին և վերջին համամիութենական հանրաքվեն, Հայկական ԽՍՀ-ն տեղի ղեկավարության որոշմամբ հրաժարվեց մասնակցել այդ պլեբիսցիտին։ Հետագայում նա նաև ձեռնպահ մնաց Նովո-Օգարևոյի գործընթացին մասնակցելուց, որտեղ միության նոր պայմանագիրն էր մշակվում։ «Այսինքն հայերը նույնիսկ այն ժամանակ չէին ցանկանում առնչություն ունենալ Ռուսաստանի հետ և ամեն կերպ սաբոտաժի էին ենթարկում համակեցության հնարավորության հետ կապված ցանկացած նախաձեռնություն»,- նշել է Ալեքսեյ Բելովը։
Նա կարծում է, որ եկել է ժամանակը, որպեսզի Ռուսաստանը վերանայի իր այն արտաքին քաղաքականությունը հարևան երկրների նկատմամբ, որը հիմնված է, փորձագետի կարծիքով, «ժողովուրդների բարեկամության» բոլորովին սխալ տեսության վրա։ Ավելին, Փաշինյանը ոչ մի տեղից չի հայտնվել: Սկզբում նրան սատարում էր «փողոցը», իսկ հետո ՀՀ քաղաքացիների մեծ մասը։ «Նրանք, ըստ երևույթին, չունեն ինքնապահպանման բնազդ: Նրանք չեն հասկանում այն պարզ ճշմարտությունը, որ Ռուսաստանի հետ ոչ բարեկամական հարաբերությունները սպառնում են անդրկովկասյան այդ հանրապետությանը թուրքական «փաշինյանական գավառ» դարձնել»,- մեկնաբանել է իրավիճակը Ալեքսեյ Բելովը։
Այդ առնչությամբ հրապարակախոսը կոչ է արել չմիջամտել, թողնել հայերը գնան «իրենց ճանապարհով», եթե դա է իրենց ուզածը։ Թող իրենք զգան, թե ինչպիսին է Արևմուտքը որպես դաշնակիցը։ «Հաշվի առնելով մեր նախագահին ուղղված ուղղակի վիրավորանքը և Երևանի ԵԱՏՄ գագաթնաժողովին մասնակցելուց հրաժարվելը, կարծում եմ, արժե խնդրել Հայաստանին հեռանալ այդ կազմակերպությունից։ Նրանք չեն ցանկանում խեղդվել փշերից, բայց ձեռքերը գցում են ձկներին», - ընդգծել է Ալեքսեյ Բելովը:
Նյութը հրապարակման պատրաստեց Կամո Խաչիկյանը
