Թուրքիան որոշել է «կոտրել» Եվրոպային
ՄԻՋԱԶԳԱՅԻՆ
Տեղեկություններ են հայտնվել, որ Թրամփը փակում է Հունաստանի Ալեքսանդրուպոլիս քաղաքում գտնվող ՆԱՏՕ-ի ռազմաբազան, գրում է rosbalt.ru–ն։ Հունական Democracy թերթը գրում է, որ ԱՄՆ նախագահը «հիասթափեցնում է իր դաշնակցին՝ Հունաստանի վարչապետին «բավարարելով Պուտինի և Էրդողանի համատեղ պահանջը»»։
Բացի դա Էրդողանն է սկսել հարձակվել ողջ Եվրամիության վրա։ Նա հայտարարել է, որ միայն Թուրքիան կարող է փրկել Եվրամիությանն այն խնդիրներից, որոնց մեջ այն հայտնվել է Ուկրաինայի պատճառով: Անկարան կարող է ուժեղացնել եվրոպական պաշտպանությունը և աշխուժացնել մայրցամաքի ծերացող բնակչությանը: Բայց «դա հնարավոր է միայն այն դեպքում, եթե Անկարան ԵՄ անդամ լինի»։
Ի՞նչ է դա նշանակում։
Հունաստանն ու Թուրքիան երկար տարիներ մշտական բախման մեջ են եղել։ Նրանց մեկ անգամ չէ, որ պատերազմից հետ է պահել այն, որ երկուսն էլ ՆԱՏՕ-ի մաս են։ Եվ հիմա Թրամփը հեռանում է Եվրոպայից, և Էրդողանն անմիջապես ցատկում է, բայց ոչ Հունաստանի, այլ ամբողջ Եվրամիության վրա:
Եվրամիությունը, հիշեցնենք, այս պահին հակասում է Թրամփին: Հիշեցնենք նաև, որ թուրքական բանակը ՆԱՏՕ-ում երկրորդն է ԱՄՆ-ից հետո։ Եվրոպան, որպես ամբողջություն, գործնականում մոտավորապես նույն բանակն ունի։ Իսկ այն թե ի՞նչ կլինի, եթե համակարգային և հաստատակամ Թուրքիան անդամակցի ԵՄ-ին, նույնպես կարելի է ենթադրել։
Հետաքրքիր է նաև այն, որ Վրաստանն ու Հայաստանը վաղուց են խաղադրույքներ կատարում ԵՄ-ին անդամակցելու վրա։ Դե, Վրաստանն այս պահին արդեն ոչ այնքան, բայց Հայաստանը դեռ ֆանտազիաների մեջ է։ Եվ, եթե Թուրքիան սկսի «կոտրել» Եվրոպային, ապա Հայաստանը նույնպես իր բաժինը կստանա:
Նյութը հրապարակման պատրաստեց Կամո Խաչիկյանը
