«Հայկական կիբեր բանակ» ներկայացած անհայտ անձինք կոտրել են 20-ից ավելի ադրբեջանական կայք. պատմության այս օրը (20 փետրվար)
ՊԱՏՄՈՒԹՅԱՆ ԱՅՍ ՕՐԸ
ՈՐՈՇ ՏՈՆԵՐ - Սոցիալական արդարության համաշխարհային օր, ԱՄՆ՝ Նախագահի օր, Ուկրաինա՝ Երկնային հարյուրակի հերոսների օր։
ՀԱՅԱՍՏԱՆՈՒՄ
1728 –վախճանվել է զորավար Դավիթ Բեկը։
1895-ծնվել է խորհրդահայ նևրոլոգ, նևրոֆիզիոլոգ, ակադեմիկոս Սեմյոն Սարկիսովը։
1862-սկսվել է Վանի հայ բնակչության զինված դիմակայությունը թուրքական կառավարության բանակին:
1907- վերակառուցվելուց հետո բացվել է Երևանի հայտնի Ջանփոլադովի թատրոնը:
– ծնվել է գրականագետ, բանասիրական գիտությունների դոկտոր Հովհաննես Մամիկոնյանը:
1921 - ծնվել է օպերային երգիչ, բարիտոն Միհրան Երկաթը։
1928 - ծնվել է արձակագիր, դրամատուրգ Գևորգ Արշակյանը։
1936 - վախճանվել է հանրահայտ ճարտարապետ Ալեքսանդր Թամանյանը։
1938 - ծնվել է բանաստեղծ, թարգմանիչ Միքայել Ախտյանը։
1980– ծնվել է հայազգի աշխարհահռչակ պրոֆեսիոնալ բռնցքամարտիկ Արթուր Աբրահամը:
1988- տեղի է ունեցել արցախյան հարցով առաջին ցույցը Երևանում։
– Լեռնային Ղարաբաղի ինքնավար մարզի իշխանությունները պաշտոնապես հայտարարել են Ադրբեջանական ԽՍՀ-ի կազմից դուրս գալու և Հայկական ԽՍՀ-ին միանալու իրենց վճռի մասին և փոխհամաձայնության խնդրագրեր են ուղարկել Երևան և Բաքու, դրանով փաստացի սկսվել է Ղարաբաղյան շարժումը:
2004-Երևանի պետական համալսարանի շուրջ հազար ուսանողներ դասադուլ են սկսել ի նշան բողոքի ընդդեմ «Զինապարտության մասին» նոր օրինագծի, որով մագիստրատուրայում և ասպիրանտուրայում սովորողները զրկվում են տարկետման իրավունքից:
2007- դադարեցվել է «Սահմանադրական իրավունք» միության «Իրավունք» պաշտոնաթերթի տպագրությունը:
– վախճանվել է արևմտահայ բանաստեղծ Զահրատը (Զարեհ Յալդըզջյան):
— վախճանվել է խորհրդահայ կինոռեժիսյոր Ալբերտ Մկրտչյանը («Սաննիկովի երկիրը» կինոնկար)։
2008-հրատարկվել են նախագահական ընտրությունների արդյունքները, ըստ որոնց առաջին փուլով հաղթել է Սերժ Սարգսյանը՝ հավաքելով 52,8 % ձայներ, իսկ երկրոդ տեղում է Լևոն Տեր-Պետրոսյանը, որը հավաքել է 21,5 % ձայն։ Արդյունքում վերջինիս կողմնակիցները հանրահավաք են կազմակերպել Մատենադարանի մոտ, ապա իրականացրել երթ Երևանի կենտրոնով և երեկոյան հավաքվել Ազատության հրապարակում։
2012- որպես «Հայկական կիբեր բանակ» ներկայացած անհայտ անձինք կոտրել են 20-ից ավելի ադրբեջանական կայք` նշելով, որ դա արվում է ի հիշատակ Գուրգեն Մարգարյանի սպանության 8-ամյակի:
2013-«Ժառանգություն» կուսակցության առաջնորդ, նախագահական ընտրություններում երկրորդ տեղը զբաղեցրած Րաֆֆի Հովհաննիսյանը Երևանի Ազատության հրապարակում հրավիրված հանրահավաքում հայտարարել է, որ իր աջակիցների հետ մնալու են հրապարակում։
2014- վախճանվել է բանաստեղծ Թաթուլ Բոլորչյանը։
2015- Ազատության հրապարակի հանրահավաքին «Ժառանգություն»-ը «Բարգավաճ Հայաստան»-ը և «Հայ ազգային կոնգրես»-ը հայտնել են, որ «եռյակ այլևս գոյություն չունի»:
2017- Լեռնային Ղարաբաղում անց է կացվել սահմանադրական հանրաքվե, որով ԼՂ-ն անցել է նախագահական կառավարման։
2020- Կառավարության դիմաց բողոքի ցույց են արել բանակում խաղաղ պայմաններում զոհված զինծառայողների մայրերը։
2021-Երկու ամսվա դադարից հետո «Հայրենիքի փրկության շարժումը» Ազատության հրպարակում հանրահավաք է արել պահանջելով Նիկոլ Փաշինյանի և իր թիմի հրաժարականը:
2023-Եվրամիությունն անվտանգության ու պաշտպանության ընդհանուր քաղաքականության շրջանակում սկսել է Հայաստանում ԵՄ-ի քաղաքացիական առաքելությունը:
ԱՇԽԱՐՀՈՒՄ
395 —Վեֆլիեմում հիմնադրվել է առաջին կանանց մենաստանը։
1762 —վախճանվել է գերմանացի քարտեզագիր և աստղագետ Թոբիաս Մայերը, որը հետազոտել է լուսնի շարժումը։
1816– Հռոմի «Teatro Argentina» թատրոնում կայացել է Ջոակինո Ռոսսինիի «Սևիլյան սափրիչ» նշանավոր օպերայի առաջնախաղը:
1844 –ծնվել է ավստրիացի ֆիզիկոս Լյուդվիգ Բոլցմանը, որը հանդիսանում է ստատիկ ֆիզիկայի և ֆիզիկական կինետիկայի հիմնադիրը։
1872– Նյու Յորքում բացվել է «Մետրոպոլիտեն» թանգարանը, որն ԱՄՆ-ի ամենահարուստ գեղարվեստական հավաքածու ունեցող թանգարանն է:
1904 - ծնվել է Խորհրդային Միության 8-րդ վարչապետ Ալեքսեյ Կոսիգինը։
1920 - վախճանվել է ամերիկացի բնախույզ Ռոբերտ Պիրին։
1922 —Վիլենսկյան սեյմն ընդունել է Վիլնյուսի և Լիտվիայի հարավ-արևելյան հատվածի Լեհաստանի հետ միավորման որոշումը։
1926 - ծնվել է ամերիկացի գրող և դրամատուրգ Ռիչարդ Մեթսոնը։
1940– ցուցադրվել է «Թոմն ու Ջերին» մուլտֆիլմի առաջին սերիան:
1943 —Մեքսիկայում եգիպտացորենի դաշտում սկսել է կազմավորվել Պարիկուտին հրաբուխը։
1962 —երեք անգամ պտտվելով Երկրի շուրջ Ջոն Գլեննն իրականացրել է առաջին ամերիկյան ուղեծրային տիեզերական թռիչքը։
1966 —ծնվել է ամերիկացի սուպեր մոդել, դերասանուհի և հեռուստահաղորդավար Սինդի Կրոուֆորդը։
1988 – ծնվել է ծագումով բարբադոսցի ամերիկյան նշանավոր երգչուհի Ռիհաննան:
1993 —վախճանվել է իտալացի ավտոարտադրող Ֆերրուչիլո Լամբորջինին, որը ստեղծել է արագընթաց և թանկարժեք սպորտային դասի ավտոմեքենաներ։
1999 —Մոսկվայի Կրեմլյան պալատում կայացել է Նիկիտա Միխալկովի «Սիբիրյան ամոքիչը» ֆիլմի պրիմերան։
2009 —վախճանվել է ռուս շանսոն երգահան և երգերի կատարող Կոնստանտին Բելյաևը։
2014 —սկսվել Եվրոմայդանի գնդակահարությունը Կիևում։ Դիպուկահարների կողմից գնդակոծվել են ցուցարարները և իրավապահ մարմինների ներկայացուցիչները, որի արդյունքում զոհվել է 53 մարդ։
Կ. Խաչիկյան
