Խոցվել ու ճնշվել է ուկրաինական 40 ԱԹՍ, որոշ օդանավակայաններում սահմանափակումներ են մտցվել

Ուկրաինայի զինված ուժերը անօդաչու թռչող սարքերի զանգվածային հարձակումներ են իրականացրել Ռուսաստանի Դաշնության շրջանների վրա։

Ռուսական հակաօդային պաշտպանության համակարգերը 1 գիշերվա ընթացքում խոցել ու ճնշել են ուկրաինական 40 անօդաչու թռչող սարքեր, հայտնել է ՌԴ պաշտպանության նախարարությունը։

Հրդեհ է բռնկվել է մի քանի արդյունաբերական օբյեկտներում։ 

Վոլգոգրադում 1 մարդ թեթև վնասվածքներ է ստացել անօդաչու թռչող սարքի բեկորների ընկնելու հետևանքով։

— Հարձակումը սկսվել է Դոնի Ռոստովից առավոտյան ժամը 02:15-ին։ Զապադնի միկրոշրջանի տարածքում 3-ից 5 պայթյուն է լսվել։ Բատայսկ քաղաքի բնակիչները (Ռոստովից 6 կիլոմետր) նույնպես բարձր ձայների մասին են հաղորդել։ Ռոստովի Ժելեզնոդորոժնի թաղամասում անօդաչու թռչող սարքի բեկորները ծակել են առանձնատան տանիքը։ Զոհեր և վիրավորներ չեն եղել։

— Պայթյունները տեղի են ունեցել ժամը 4։45-ին Վոլգոգրադում։ Ականատեսները SHOT-ին պատմել են, որ քաղաքի վրա առնվազն 15-20 պայթյուն է լսվել։ Հիմնական թիրախը եղել է տեղի նավթավերամշակման գործարանը։ Մարզպետ Անդրեյ Բոչարովը հայտնել է, որ արդյունաբերական գոտու տարածքում բեկորներ ընկնելու հետևանքով հրդեհ է բռնկվել 5 քմ տարածքում։ Հրդեհն արդեն մարվել է։

— Ուկրաինական անօդաչու թռչող սարքերի հարձակման հետևանքով Կալուգայի մարզում արդյունաբերական ձեռնարկություն է բռնկվել։ Առավոտյան ժամը 7-ի սահմաններում չորսից հինգ պայթյուն և կրակոցներ են լսվել, ականատեսները պատմել են SHOT-ին:

— Սարատովի մարզը նույնպես հարձակման է ենթարկվել։ Զոհեր և ավերածություններ չկան։

— «Կարպետ» պլան է ներդրվել ՌԴ 7 օդանավակայաններում։ Նախնական՝ ամեն ինչ պայմանավորված է ուկրաինական անօդաչու թռչող սարքերի հարձակումներով։

Այսօր վաղ առավոտյան օդանավերի ժամանման և մեկնման ժամանակավոր սահմանափակումներ են մտցվել Աստրախանի, Վլադիկավկազի, Վոլգոգրադի, Գրոզնիի, Կալուգայի, Սարատովի և Ուլյանովսկի օդանավակայաններում։