«Բացառե՛լ ԵԱՏՄ-ից». Պետդումայում կոչ են արել ավելի կոշտ լինել Հայաստանի հետ ԵՄ-ին անդամակցելու նրա ձգտումների ֆոնին
ՔԱՂԱՔԱԿԱՆՈՒԹՅՈՒՆ
Եթե Հայաստանը որոշի գնալ եվրաինտեգրման ճանապարհով, ապա պետք է դուրս մնա Եվրասիական տնտեսական միությունից (ԵԱՏՄ) և զրկվի այն առավելություններից, որ ունի այդ միավորման շնորհիվ։ Այս մասին Nsn.fm-ի հետ զրույցում ասել է Պետդումայի ԱՊՀ գործերով, եվրասիական ինտեգրման եւ հայրենակիցների հետ կապերի հանձնաժողովի նախագահ Լեոնիդ Կալաշնիկովը։
Հայաստանի իշխանությունները ավելի վաղ հավանություն են տվել Եվրամիությանը Հայաստանի անդամակցության նախաձեռնության մասին օրենքի նախագծին։ Այժմ օրինագիծը կանցնի երկրի խորհրդարան։ Ներկայացնելով այն, ՀՀ ԱԳ նախարար Արարատ Միրզոյանը հայտարարել է, որ «վերջին տարիներին Հայաստանի և ԵՄ-ի միջև զարգացել են բավականին ինտենսիվ և դինամիկ հարաբերություններ»։
Կալաշնիկովը նշել է, որ վերջին շրջանում Երևանը անհնազանդ է պահում իրեն Ռուսաստանի Դաշնության և ՀԱՊԿ-ի նկատմամբ, օրինակ, Լուկաշենկոյի և Փաշինյանի միջև վեճ է եղել ԵԱՏՄ գագաթնաժողովում: «Կարող եք ասել, որ ուզում եք ապրել Մարսի վրա, բայց դա կստիպի մարսեցիներին չցանկանալ տեսնել ձեզ այնտեղ: Այդ կազմակերպությունը պետք է ցանկանա քեզ: Ի դեպ, Հայաստանը վաղուց է ստորագրել Եվրոպական ասոցացման համաձայնագիրը։ Դա նույնն է, ինչ ժամանակին պառակտեց Ուկրաինան, երբ նրանք պետք է որոշում կայացնեին։ Հայաստանը շրջափակման մեջ լինելով հանդերձ ԵԱՏՄ երկրները, որոնց անդամ է նա, նրան թույլ տվեցին մտնել ասոցիացիայի մեջ։ Հիմա Հայաստանում լկտիացել են ու սկսել են իրենց պահել տարօրինակ ու սադրիչ պահվածքով թե՛ ռազմաքաղաքական առումով ՀԱՊԿ-ի հետ, թե՛ տնտեսական առումով։ Նրանք շատ մեծ առավելություններ ունեն ԵԱՏՄ-ից, և դա ի տարբերություն մյուս անդամների»,- նշել է նա։
Կալաշնիկովի խոսքով, հիմա անհրաժեշտ է փոխել հռետորաբանությունը Երևանի հանդեպ: «Ինձ թվում է բավական է նրանց հետ կիսատոններով խոսելը։ Պետք է անհապաղ որոշում կայացնել նրան ԵԱՏՄ-ից հանելու մասին, իսկ Եվրամիությունը նրանց մուտքը կձգձգի 35 տարի, ինչպես Թուրքիայինը։ Ոչ վաղ անցյալում, Ռուսաստանին մոտ որոշ ընկերներ փչացան, և Ռուսաստանը նրանց զրկեց դրանից։ Հիմա նրանք արագ հանդարտվել են, քանի որ ոչ ոքի օգուտ չեն ստացել։ Այդպես պետք է վարվենք, այդ թվում այն երկրի հետ, որը թքած ունի մեր վրա, չնայած ունի հսկայական տնտեսական առավելություններ մեր հետ հարաբերություններից»,- ասել է նա։
Նյութը հրապարակման պատրաստեց Կամո Խաչիկյանը
