Ջոն Ալլելո. ԱՄՆ ՄԶԳ-ն անկախությունից ի վեր 1,3 միլիարդ դոլար է ներդրել Հայաստանի զարգացման համար
ՔԱՂԱՔԱԿԱՆՈՒԹՅՈՒՆ
ԱՄՆ Միջազգային զարգացման գործակալությունը (USAID) վերջին տարիներին զգալիորեն ընդլայնել է իր ներկայությունը Հայաստանում 2018 թվականից ի վեր ֆինանսավորումը 75 %-ով ավելացնելով։ Այս մասին Հանրային հեռուստատեսությանը տված հարցազրույցում ասել է ԱՄՆ ՄԶԳ հայաստանյան առաքելության տնօրեն Ջոն Ալելլոն ընդգծելով երկրում ժողովրդավարական փոփոխությունների աճող աջակցությունը, գրում է bm.ge-ն։
Ներկայումս գործակալությունը Հայաստանում իրականացնում է 32 ծրագիր ընդգրկելով ոլորտների լայն շրջանակ՝ իրավական բարեփոխումներից և կոռուպցիայի դեմ պայքարից սկսած մինչև կանանց ձեռներեցությանն աջակցելը և գյուղատնտեսության մեջ նորարարական տեխնոլոգիաների ներդրումը: Առանձնահատուկ ուշադրություն է դարձվում ժողովրդավարական ինստիտուտների զարգացմանը, երկրի դիմադրողականության ամրապնդմանը և սոցիալական ներառմանը։
Ըստ Ալելլոյի գործակալությունը ձգտում է արդյունավետ երկխոսություն հաստատել Հայաստանի իշխանությունների և քաղաքացիների միջև։ ԱՄՆ ՄԶԳ-ն աջակցում է անկախ լրատվամիջոցներին և մեդիա գրագիտության զարգացմանը քաղաքացիներին երկրում տեղի ունեցող իրադարձությունների մասին հավաստի տեղեկատվություն տրամադրելու համար: Գործակալությունը նաև աջակցում է Հայաստանի կառավարությանը միջազգային դոնորների հետ աշխատանքը համակարգելու հարցում։ «2018 թվականից ի վեր ֆինանսավորման 75 տոկոս աճը ցույց է տալիս ԱՄՆ կառավարության հավատը Հայաստանի ժողովրդավարական պետություն կառուցելու ունակության նկատմամբ»,- ընդգծել է առաքելության ղեկավարը նշելով, որ գործակալությունն աշխատում է ինչպես իշխանությունների, այնպես էլ քաղաքացիական հասարակության հետ անկախ քաղաքական իրավիճակից։
Նյութը հրապարակման պատրաստեց Կամո Խաչիկյանը
