«Արևմուտքը շահագործում է «մտավոր թերզարգացած» Փաշինյանին»
ՔԱՂԱՔԱԿԱՆՈՒԹՅՈՒՆ
Հայ Ազգային Կոնգրես կուսակցության փոխնախագահ Լևոն Զուրաբյանը, որպես հյուր ելույթ ունենալով IMNEMNIMI փոդքաստում ասել է, որ Նիկոլ Փաշինյանի հետ շփվելուց հետո ինքը հասկացել է, որ վերջինս «ինտելեկտի հետ կապված խնդիրներ ունի», գրում է eadaily.com-ը: Հատկանշական է այն, որ ՀԱԿ-ը գլխավորում է ՀՀ առաջին նախագահ Լևոն Տեր-Պետրոսյանը, ով, ըստ որոշ հայ փորձագետների, երրորդ նախագահ Սերժ Սարգսյանի հետ միասին կազմակերպել է Նիկոլ Փաշինյանի մուտքն ու վերելքը Հայաստանի վարչապետի պաշտոնում։
Այսպիսով, ըստ Զուրաբյանի, իշխանության գալուց հետո «Փաշինյանը Զուրաբյանին հրավիրել է բացատրելու ղարաբաղյան հակամարտության էությունը»։ «Ուրեմն նա պատրաստվում է բանակցել Ալիևի հետ: Լավ, մենք ազգի համար օգտակար գործ արեցինք (Փաշինյանին բացատրեցինք ղարաբաղյան հակամարտության էությունը)։ Իսկ Ալիևի հետ հանդիպելուց հետո նա եկավ ու սկսեց հիմարություններ ու անհեթեթություններ խոսել։ Ես այն եզրակացության եմ, որ նա նույնիսկ չնչին բան չի հասկացել այն ամենից, ինչ ես բացատրում էի նրան։ Նա ընդհանրապես չի հասկացել, թե ինչի շուրջ են բանակցությունները։ Նա ինտելեկտի հետ կապված խնդիրներ ունի։ Նա այն ժամանակ էլ չէր հասկանում, թե ինչի շուրջ են բանակցությունները և դեռ հիմա էլ չի հասկանում»,- ասել է Զուրաբյանը:
Արևմտյան երկրները «շահագործում են հոգեպես թերզարգացած Փաշինյանին հակառուսական գործողությունների համար», ասել է Լևոն Զուրաբյանը չգիտես ինչու չընդունելով, որ Փաշինյանի «անհեթեթությունները» Ղարաբաղի վերաբերյալ ծնվել է ոչ թե նրա «խնդրահարույց ինտելեկտից», այլ Արևմուտքի անմիջական հրահանգներից։ Այսինքն Զուրաբյանը միտումնավոր շղարշում է Արևմուտքի հակահայկական գործողությունները «Փաշինյանի մտավոր ունակություններով» կենտրոնանալով միայն նրա հակառուսական փորձերի վրա։
Հիշեցնենք, որ ռուս պատմաբան Օլեգ Այրապետովը EADaily-ին տված հարցազրույցում բազմիցս կասկածներ է հայտնել Հայաստանի վարչապետի ճանաչողական կարողությունների վերաբերյալ։ «Եթե նախկինում Բաքվի քարոզչությունն ասում էր, որ Հայաստանը գոյության իրավունք չունի, ապա հիմա Հայաստանի վարչապետն է դա անում նրանց փոխարեն։ Անզուգական քաղաքական գործիչ: Դա, իսկապես, երբեք այլ տեղ չի եղել: Եթե Հայաստանի Հանրապետության հայերը պայքարում են Գինեսի ռեկորդների գրքում հայտնվելու իրավունքի համար, ապա Նիկոլաշա-Նիդվորաշի հետ միանշանակորեն տեղ են հասել։ Նորից եմ ասում, լավագույնն է անասնաբույժ կանչել այդ մարդու համար: Որովհետև, դատելով իրերի վիճակից, մարդ բժիշկն այլևս չի կարողանա օգնել նրան։ Ես ավելի քան համոզված եմ, որ ծայրահեղ իրավիճակի դեպքում պարոն Փաշինյանը հանելու է մի գաղտնի փաստաթուղթ, որը ցույց է տալիս, որ ինքը կոմպետենտ չէ անմեղսունակության պատճառով։ Կարծում եմ, որ հիմա դա է Հայաստանի Հանրապետության գլխավոր պետական գաղտնիքը»,- ասել էր Այրապետովը գործակալությանը տված իր վերջին հարցազրույցներից մեկում:
Նյութը հրապարակման պատրաստեց Կամո Խաչիկյանը
