Քաղաքագետը Արևմտյան զենքի մատակարարումը Հայաստան սպառնալիք է համարել ոչ միայն Ադրբեջանի համար
ՄԻՋԱԶԳԱՅԻՆ
Ֆրանսիայի կողմից Հայաստանին ցուցաբերվող լայնածավալ ռազմական աջակցությունը վտանգ է ներկայացնում ոչ միայն Ադրբեջանի, այլ նաև Ռուսաստանի համար, Info24.ru-ի հետ զրույցում կարծիք է հայտնել քաղաքագետ Յուրի Սվետովը։ Նա խոստովանել է, որ Արևմուտքը պատրաստում է «լարվածության նոր աղբյուր» Անդրկովկասում։ «Կարծում եմ, որ ֆրանսիական զենքի մատակարարումը Հայաստան վտանգ է ներկայացնում ոչ միայն Ադրբեջանի, այլ նաև Ռուսաստանի համար։ Բաքվի նկատմամբ Արևմուտքի թշնամական ծրագրերն ուղղակիորեն են ազդում Մոսկվայի վրա, քանի որ մենք դաշնակիցներ ենք։ Այսինքն սա ճնշման ձև է, որով Արևմուտքը փորձում է թուլացնել Ռուսաստանին Անդրկովկասում»,- նշել է Սվետովը։
Նա նաև վստահություն է հայտնել, որ Երևանի արտաքին քաղաքականության փոփոխության հետևում կանգնած է Վաշինգտոնը։ Եվ հենց ԱՄՆ-ն է ազդում արևմտյան երկրներից Հայաստան զենքի մատակարարումների ավելացման վրա, հավելել է նա։
Սվետովը նշել է, որ Հայաստանի տարածքում է գտնվում տարածաշրջանում ԱՄՆ ամենամեծ դեսպանատունը, որտեղ աշխատում է երկու հազար մարդ։ Նրա կարծիքով, դա պատահական չէ, և հենց այդտեղից է «բոլոր տեսակի գործողությունների համակարգումը» հօգուտ ԱՄՆ-ի։ «Այդ պատճառով Հայաստանը դուրս եկավ ՀԱՊԿ-ից, սկսեց իր զինվորականների վերապատրաստումը այլ երկրներում և սկսեց զենք ստանալ Ֆրանսիայից։ Այս ամենը հուշում է, որ լարվածության նոր օջախ է պատրաստվում»,- եզրափակել է քաղաքագետը։
Ավելի վաղ Ադրբեջանի նախագահ Իլհամ Ալիևը հարցազրույց էր տվել RIA Novosti-ի գլխավոր խմբագիր Դմիտրի Կիսելևին, որի ընթացքում հայտարարել էր, որ Հայաստանի ակտիվ սպառազինման պատճառով Ադրբեջանը ունի 2025 թվականի համար ռեկորդային ռազմական բյուջե՝ 5 մլրդ դոլարի չափով։ Ադրբեջանի ղեկավարի խոսքով, Հայաստանը զենք է կուտակում ԱՄՆ-ից, Ֆրանսիայից և Հնդկաստանից։ Նա կոչ է արել Երևանին հաղթանակի հույս չունենալ Բաքվի հետ սպառազինությունների մրցավազքում, ինչպես նաև հույս չունենալ «տեղում հողի վրա» Փարիզի և Վաշինգտոնի իրական օգնության հարցում։
Նյութը հրապարակման պատրաստեց Կամո Խաչիկյանը
