Կարինե Գևորգյան. Ռուսաստանն ունի երեք խոցելի կետ՝ Ղրիմը, Սիրիան և Հայաստանի 102-րդ բազան
ՄԻՋԱԶԳԱՅԻՆ
Մինչ Արևմուտքը Թուրքիային մղում է քաոս ստեղծել Մերձավոր և Միջին Արևելքում, Ռուսաստանը պետք է ամրապնդի իր դիրքերը բոլոր ուղղություններով, ukraina.ru-ին տված հարցազրույցում ասել է հայտնի արևելագետ և քաղաքագետ Կարինե Գևորգյանը։
— Միացյալ Նահանգներն ամբողջությամբ և անձամբ Թրամփն իրենց խնդիրները լուծելու համար քաոսի մեծ գոտու կարիք ունեն։ Դրան կարելի է հասնել տարատեսակ բարմալեյների տեսքով գործակալների օգնությամբ: Նույնը տեղի կունենա Ռուսաստանի շրջագծով հետխորհրդային տարածքում։ Մենք խաղաղության կարիք ունենք, իսկ նրանց քաոս է պետք։ Նրանք չունեն բավականաչափ զենք, որպեսզի քաոս առաջացնեն, բայց բավականաչափ ուժ ունեն։
-Այն, ինչ հիմա կատարվում է Սիրիայում, կարո՞ղ է թուլացնել մեր ռազմաքաղաքական դիրքերը։
-Իհարկե: Մենք ունենք երեք խոցելի կետ՝ Ղրիմը, Սիրիան և Հայաստանի 102-րդ բազան։ Հայաստանում այժմ ամեն ինչ գնում է դեպի այն, որ 102-րդ բազան ապամոնտաժվի և դուրս մղվի իր գտնվելու վայրից։ Իսկ, եթե Սիրիայում մեր դիրքերը թուլանան, ապա մեր ներթափանցումն Արևելյան Միջերկրական ծով դժվարանա և Ղրիմն ավելի քիչ պաշտպանված կլինի։
— Նեթանյահուն ասել է, որ Իսրայելը համաձայնել է համաձայնագրին, որպեսզի կենտրոնանա իրանական սպառնալիքի վրա։ Արդյո՞ք դա նշանակում է, որ առջևում Իսրայելի և Իրանի միջև դաժան առճակատում է լինելու:
-Դա շատ հետաքրքիր պայմանավորվածություն է։ Սաուդյան Արաբիան դե ֆակտո իրանամետ դիրքորոշում է որդեգրել։ Նախ մեկ շաբաթ առաջ Սաուդյան Արաբիայի բանակի գլխավոր շտաբի պետն այցելեց Թեհրան։ Երկրորդ, Էր Ռիադն Իրանին հրավիրել է համատեղ ռազմածովային զորավարժություններ անցկացնել Հորմուզի նեղուցում և Պարսից ծոցում։ Արաբական Միացյալ Էմիրություններն այլ դիրքորոշում ունեն, և Ռուսաստանը, պատժամիջոցների պատճառով առաջացած դժվարությունների պատճառով, ավելի մոտ է Աբու Դաբիի դիրքորոշմանը։ Ցավոք սրտի, այս իրավիճակն է։
Բայց դեռ շատ բան կախված կլինի Սաուդյան Արաբիայի կարծիքից, քանի որ ո՛չ Բայդենը, ո՛չ Թրամփը չեն կարող անտեսել նրա դիրքորոշումը։ Մասնավորապես, Էր Ռիադից է կախված, թե արդյո՞ք Իրանի վրա ուղղակի հարձակում կլինի։ Եվ որքան ես եմ հասկանում՝ չի լինի։ Իրանը նույն պատասխանը կտա՞ Իսրայելին նախորդ հարձակումների համար։ Չգիտեմ: Իրանը պատրաստվում է դրան, բայց ձգձգում է պատասխանը։ Հիմա ժամանակն է տեսնել, թե ո՞վ է առաջինը, ինչպես ասում են, աչքը թարթելու: Մենք տեսնում ենք, թե ինչ քաշքշուկ է տեղի ունենում նաև Իրաքի (Իրաքյան Քրդստան) տարածքում։ Մասուդ Բարզանին ասել է, որ «մենք չենք ցանկանում լինել որևէ մեկի կողմից», և որ «Իրանի և Թուրքիայի միջև հակամարտությունը մեզ ձեռնտու չէ»։ Պարզվում է՝ այնտեղ կա կոնֆլիկտ։ Այսպիսով, Արևմուտքը կօգտագործի Թուրքիան Մերձավոր Արևելքում քաոս ստեղծելու համար։ Եվ Էրդողանն այլընտրանք չունի։ Տնտեսության հետ կապված լրիվ դժվարության մեջ է, հույս ունի գոնե մի բան ստանալ։
- Ինչպե՞ս պետք է իրեն պահի Ռուսաստանը նման իրավիճակում։
-Մենք պետք է գործենք, մարտավարություն մշակենք բոլոր ուղղություններով մեր ռազմավարությանը համապատասխան։ Ըստ այդմ ամրապնդենք մեր դիրքերը Սիրիայում և ամրապնդենք մեր դիրքերը Հարավային Կովկասում։ Ցանկալի է, որ Կասպից ծովում և Աբշերոնում չլինեն կողմնակի երկրներ և ՆԱՏՕ-ն։
Այսինքն այնտեղ թեկուզ թուրքական զինված ուժերի հետագա ներկայությունը (ցանկացած քողի տակ) պետք է նվազագույնի հասցվի։ Անհրաժեշտ է Իրանի հետ համաձայնագիր ստորագրել ռազմավարական համագործակցության մասին։ Եվ, իհարկե, միաժամանակ դիվանագիտական աշխատանք տանել։
Նյութը հրապարակման պատրաստեց Կամո Խաչիկյանը
