Հայաստանը ազգային ինքնասպանության ճանապարհին
ՎԵՐԼՈՒԾՈՒԹՅՈՒՆՆԵՐ
Հայաստանի իշխանության բարձրագույն օղակում լայնածավալ կադրային զտումների մասին հաղորդագրությունները, որոնք հայտնվեցին տեղական ԶԼՄ-ներում սկզբում արտահոսքի տեսքով, իսկ հետո պաշտոնապես հաստատվեցին, երկրում և նրա սահմաններից դուրս ռումբի պայթյունի էֆեկտ ունեցան, գրում է C-eho.info-ն։ Հիշեցնենք, որ Վարչապետ Նիկոլ Փաշինյանի գլխավորած կառավարության առանցքային պաշտոնյաներ, այդ թվում, այսպես կոչված, անվտանգության բլոկից, միաժամանակ պաշտոնանկ են արվել։
Իհարկե, Նիկոլ Փաշինյանը պարբերաբար բավական կոշտ քննադատության էր ենթարկում իր ենթակաների, այդ թվում` անվտանգության բլոկի աշխատանքը։ Բայց կառավարության վերջին նիստում Փաշինյանը, առանձնապես արտահայտություններ չընտրելով, հարձակվեց իրավապահների վրա և հայտարարեց, որ իրեն չի բավարարում երկրում տիրող հանցավորության մակարդակը, որ իր «համբերության բաժակը լցվել է» և որ ինքը որոշում կկայացնի: Հայաստանի վարչապետի, մեղմ ասած, իմպուլսիվ բնավորության մասին վաղուց է հայտնի։ Բայց ոչ ոք չէր սպասում, որ հենց այդպես նա միանգամից դուրս կշպրտի իր ամենամոտ գործակիցներին, որոնք համարվում էին ամենանվիրյալն ու հավատարիմը։ Ինքը՝ Նիկոլ Փաշինյանը, հաստատել է, որ իր խնդրանքով են նախարարներ և որոշ գերատեսչությունների ղեկավարներ հրաժարականներ տվել։ Դրանից հետո Նիկոլ Փաշինյանը կնոջ՝ Աննա Հակոբյանի հետ այցով մեկնել է Վատիկան` հանդիպելու Հռոմի պապ Ֆրանցիսկոսի հետ։ Շատ լավ է, այնպես չէ՞: Երկրում հստակ կառավարական ճգնաժամ է, բայց նա գնացել է Սուրբ Աթոռ։ «Ինդուլգենցիա ստանալու», - անմիջապես սկսել են կատակել հայերը:
Ի դեպ, Նիկոլ Փաշինյանի պայմանավորված այցը Վատիկան հեռու է պատահականություն լինելուց։ Դեռ մայիսի 8-ին էր Հայաստանի վարչապետը համացանցի իր էջում հրապարակել «Հայաստանի Հանրապետության ժողովրդի ազգային շահերի» ցուցակը, որում, իր կարծիքով, Հայ Կաթողիկե և Հայ Ավետարանական եկեղեցիները հավասարազոր են Հայ Առաքելական եկեղեցուն։
Դա հակասական արձագանք էր առաջացրել հավատացյալների կողմից, ովքեր իրավացիորեն նշել էին, որ ՀՀ Սահմանադրության համաձայն «Հայաստանի Հանրապետությունը ճանաչում է Հայ Առաքելական Սուրբ Եկեղեցու բացառիկ առաքելությունը»։ Դե, մոտավորապես նույն բանը նկատվել է Ուկրաինայում գերիշխող կրոնի հետ կապված, որտեղ այնպիսի հալածանքներ սկսվեցին ուղղափառ եկեղեցու դեմ, որը հասավ կատարյալ կատաղության։
Բայց սա իմիջայլոց, մտածելու համար, ընդհանուր պատկերի հասկացման համար: Գուցե՞ Պապը ների Փաշինյանը բոլոր մեղքերը, բայց Հայաստանում դա, ամենայն հավանականությամբ, ոչինչ չի փոխի։ Անգամ, եթե ինչ որ բան էլ փոխի, ապա ոչ դեպի լավը:
Մի փոքր նախապատմություն անտեղյակների համար: Վերջերս ՌԴ Արտաքին հետախուզության ծառայության մամուլի բյուրոն հայտարարություն էր տարածել առ այն, որ ԱՄՆ Պետդեպարտամենտը ակտիվացրել է ջանքերը Հայաստանի դեպի Արևմուտք վերակողմնորոշման գործընթացն արագացնելու ուղղությամբ և որը այդ երկիրին մղում է դեպի «ազգային ինքնասպանություն»։ Ռուսական հետախուզության տվյալներով ամերիկացիները ծրագրում են լուծել այդ խնդիրը՝ հենվելով արդեն Ուկրաինայում և Մոլդովայում կիրառվող մեթոդների վրա։ Ընդ որում, ԱՄՆ-ում գլխավոր խնդիրը համարվում է Հայաստանում կայուն հակառուսական տենդենցի ձևավորումը։ Այդ նպատակով ամերիկացիները մտադիր են երկարաժամկետ տեղեկատվական-քարոզչական արշավ կազմակերպել՝ նպատակ ունենալով վարկաբեկել Երևանի համագործակցությունը Մոսկվայի, ԵԱՏՄ-ի և ՀԱՊԿ-ի հետ և նյութեր տարածել Ռուսաստանում Հայաստանի քաղաքացիների «ճնշումների» մասին։ Վաշինգտոնը կարծում է, որ ԱՄՆ-ի ղեկավարությամբ հայ ժողովրդին, այսպես կոչված, քաղաքակիրթ համայնքին ինտեգրելու «բարձր նպատակին» հասնելու համար Հայաստանը պետք է հրաժարվի իր ավանդույթներից, ազգային արժեքներից: «Այսպիսով, Վաշինգտոնը համառորեն Հայաստանին մղում է դեպի ազգային ինքնասպանություն»,- եզրակացրել է գերատեսչությունը։
Եվ դա գիտակցում են ոչ միայն Մոսկվայում։ Արևմուտքից Հայաստանին ուղղված կոչերը՝ չհամագործակցել Ռուսաստանի և Իրանի հետ, մահացու մտածողություն է, ասել է, մասնավորապես, ամերիկացի տնտեսագետ Ջեֆրի Սաքսը։ Նրա խոսքով, տեխնոլոգիապես հետ չմնալու համար Հայաստանին անհրաժեշտ են խելամիտ ռազմավարություններ, իսկ դրա համար անհրաժեշտ են լավ հարաբերություններ առաջին հերթին Ադրբեջանի, Թուրքիայի, Ռուսաստանի, Իրանի, այլ ոչ թե ԱՄՆ-ի հետ։
Իսկ ի՞նչ է մտածում Նիկոլ Փաշինյանը, ով կտրուկ թեքվել է «դեպի Արևմուտք, հետևում թողնելով Ռուսաստանը»: Այո, նա, ի դեպ, ուղղակի արհամարհում է թե՛ սեփական երկիրը, թե՛ նրա բնակչությանը։ Եվ դա այն աստիճան, որ ինքն էլ այլևս չի հասկանում, թե ի՞նչ է անում և ո՞ւր է տանում երկիրը։ «Մեր հավաքական սոցիալական մտածողությունը, այլ կերպ ասած, մեր ենթագիտակցությունը հակապետական է, ապաքաղաքական։ <…> Մեր ներկայիս սոցիալական հոգեբանությունը, մեր սոցիալական հոգեբանության գենետիկան, ըստ էության, ձևավորվել է այն ժամանակ, երբ մենք գաղութ էինք, սուբյեկտ»,- հանկարծակի հայտարարել է վարչապետը: Ինչպես ընդգծել է քաղաքական գործիչը, հայերն առնվազն 600 տարի ապրել են արհեստականորեն ստեղծված պետություններում։ Դրանցից Հայաստանն ուներ որպես անկախ պետության ընդամենը 35 տարվա փորձ։
«Պարզվել է, որ դիմադրությունը, օտարումն է պետություն հասկացությունն ընկալելու մեր հիմնական միջոցը, քանի որ վերջին 600 տարիների ընթացքում մենք ապրում ենք մեզ պարտադրված, ոչ թե մեր կողմից ստեղծված պետության մեջ»,- ասել է Փաշինյանը։
Մեկնաբանությունները, ինչպես ասում են, ավելորդ են։ Կամ էլ հասկացեք ինչպես ուզում եք, թեև այնքան էլ դժվար չէ հասկանալ, որ այս բոլոր բանավոր հնարքները բավականին բացասական ենթատեքստ ունեն։
Ի՞նչ կարող ենք ասել, եթե Փաշինյանն անգամ աշխարհահռչակ Արարատն է արգելել կոնյակ անվանել։ «Անհնար է, կոնյակը Ֆրանսիայի ոչ նյութական արժեքն է։ Անգամ ընտանիքներում հայկական կոնյակը պետք է կոչվի բրենդի»,- կառավարության նիստերից մեկում ասել է Փաշինյանը։ Եվ դա չնայած այն հանգամանքին, որ Հայաստանը Եվրամիության հետ 2017 թվականին կնքված պայմանագրով պարտավորվել է հրաժարվել ոգելից խմիչքների (հայկական կոնյակ) ֆիրմային անվանումից միայն 25 տարի անց՝ 2043 թվականին։ Բայց Փաշինյանն այնքան է շտապում հաճոյանալ իր արևմտյան գործընկերներին, որ որոշել է արագացնել գործընթացը։ Նույնը կարելի է տեսնել նրա պաշտոնյաների տենդագին աշխատանքից ազատելու մեջ: Ի՞նչ եք կարծում, ո՞վքեր կզբաղեցնեն նրանց տեղերը։ Իհարկե, միայն ԱՄՆ դեսպանատան հավանությանն արժանացածները։ Այսինքն, Հայաստանի ինքնասպանությունը շարունակվում է, սպասենք հաջորդ սերիաներին։
Դե, որպես բավականին տեղին վերջաբան էլ… Ռուսաստանի զբոսաշրջային արդյունաբերության միության տվյալներով այս տարվա առաջին կիսամյակում Հայաստանում ռուս զբոսաշրջիկների թիվը նվազել է մինչև 250 900 մարդ, ինչը 25,5%-ով պակաս է նախորդ տարվա համեմատ։ Վրաստանում, ընդհակառակը, կա զբոսաշրջիկների հոսք՝ երկիր այցելած ռուսաստանցիների թիվն աճել է 447,8%-ով և հասել 184600 մարդու։
Նյութը հրապարակման պատրաստեց Կամո Խաչիկյանը
