Ո՞ր ամենօրյա սովորություններն են ավելացնում ձեր քաշը
ՖՈՏՈ
Նովոստի-Արմենիա / Եթե դուք վաղուց չեք ուտում ֆասթ-ֆուդ և կանոնավոր զբաղվում եք սպորտով, բայց երկու-երեք ավելորդ կիլոգրամն այդպես էլ չեն հեռանում, դա նշանակում է, որ ինչ-որ սովորություններ խանգարում են դրան:
Wefit.ru կայքը ներկայացնում է 5 սովորություն, որոնցից ժամանակն է հրաժարվել:
1. Դուք շատ եք քնում
Քնի պակասի հետևանքով արտադրվող կորտիզոլ հորմոնը հանգեցնում է ավելորդ քաշի: Բայց երկար քնելն էլ լավագույն տարբերակը չէ: PLOS One ամսագրի հետազոտության համաձայն, 10 ժամից ավելի տևող կանոնավոր քունը հանգեցնում է մարմնի զանգվածի ինդեքսի մեծացման: Հենց այդ պատճառով էլ բժիշկները խորհուրդ են տալիս քնել 7-9 ժամ:
2. Դուք արթնանալուց հետո հագնվում եք մթության մեջ
Արթնանալուց հետո միանգամից քաշեք վարագույրները կամ բարձրացրեք շերտավարագույրները: PLOS One ամսագրի տվյալներով, առավոտյան արևի երկնագույն լուսային ալիքներն օգնում են օրգանիզմին արթնանալ և գործարկել նյութափոխանակությունը: Առավոտյան արևի նույնիսկ 20-30 րոպեն բավարար է՝ մարմնի զանգվածի ինդեքսի վրա ազդելու համար:
3. Դուք չեք հարդարում անկողինը
Պարադոքսալ է հնչում, բայց այդպես է: Քնի ամերիկյան ազգային ասոցիացիայի հետազոտությունը ցույց է տալիս, որ մարդն ավելի լավ է քնում, երբ ամեն օր հարդարում է անկողինը: Իսկ առողջ քունն առողջ քաշի ամենաարագ ճանապարհն է:
4. Դուք մոռանում եք կշռվել
Կորնելի համալսարանի հետազոտողներн ապացուցել են, որ ամենօրյա կշռվելը թույլ է տալիս արագ քաշ գցել: Դրա համար ամենալավ ժամանակն առավոտն է՝ չափումներն առավել ճշգրիտ կլինեն, քանի որ օրգանիզմում այդ ժամանակ ջրի քանակը փոքր է:
5. Դուք չեք նախաճաշում կամ անկանոն եք նախաճաշում
Թել Ավիվի համալսարանի գիտնականները պնդում են, որ առավոտյան կարելի է թույլ տալ համեղ սնունդ: Սպիտակուցից, ածխաջրերից և ոչ մեծ աղանդերից բաղկացած նախաճաշը թույլ է տալիս ձեզ կանոնավորել և վերահսկել սննդի ընդունումն օրվա ընթացքում:
