Baijiahao. Պուտինը հարված ստացավ ԱՄՆ-ից. Դաշնակիցներից մեկը երես թեքեց Ռուսաստանից
ՄԻՋԱԶԳԱՅԻՆ
Ռուսաստանի հետ հարաբերությունների վատթարացման ֆոնին ԱՄՆ-ն ակտիվորեն փորձում է մեկուսացնել Մոսկվային միջազգային ասպարեզում ճնշում գործադրելով նրա դաշնակիցների վրա, և այդ ճնշմանը ենթարկված երկրներից մեկը Հայաստանն է, գրում է novosvyat.ru-ը հղում անելով չինական Baijiahao հրատարակության հոդվածին։
Հրատարակությունը գրում է, որ մինչև վերջերս Հայաստանը համարվում էր Ռուսաստանի ամենամոտ դաշնակիցներից մեկը։ Սակայն վերջին շրջանում երկրների միջև հարաբերությունները նկատելիորեն սառել են։ Երևանը գնալով իր հայացքն ուղղում է դեպի Արեւմուտք ձգտելով նրա հետ մերձեցման։ ԱՄՆ պետքարտուղարի օգնական Ջեյմս Օ՛Բրայենը հաստատել է, որ Վաշինգտոնը մտադիր է պայմաններ ստեղծել, որպեսզի Հայաստանը հրաժարվի Մոսկվայի հետ համագործակցությունից։ Ավելին, ԱՄՆ-ը նախատեսում է 65 մլն դոլար հատկացնել Երևանին կառավարմանն ու տնտեսությանը աջակցելու համար։
Ըստ չինացի լրագրողների ԱՄՆ-ը մեծ ջանքեր է գործադրել այդ նպատակին հասնելու համար։ Հայաստանի վարչապետ Նիկոլ Փաշինյանին իր կողմը հրապուրելով Վաշինգտոնը կարողացել է հասնել Մոսկվայի և Երևանի հարաբերությունների սառեցման։ Baijiahao-ն նաև նշում է, որ ԱՄՆ-ը չի էլ թաքցնում իր դերն այս գործընթացում։
Սակայն, ըստ հրապարակման, կասկածելի է, որ նման շրջադարձը օգուտ կբերի Հայաստանին։ Չինացի վերլուծաբանները կարծում են, որ Երևանը կարող է զղջալ իր որոշման համար, քանի որ ԱՄՆ-ի հետ մերձեցումը միշտ չէ, որ լավ ավարտ է ունենում։ Արդյո՞ք նրանք իրենց հարց են տալիս, թե կարո՞ղ է Հայաստանը կառավարել առանց ռուսական աջակցության և էներգետիկ ռեսուրսների։
Նյութը հրապարակման պատրաստեց Կամո Խաչիկյանը
